/'jig rten 'di na 'di dang mtshungs pa med/ /mchod gnas gzhan du bzhugs pa ma mchis kyang / gang zhig rkang gnyis gtso bo sangs rgyas nyid kyi lung / /sangs rgyas nyid kyis rab tu gnas shing mnga' gsol ba'i/ /sku gzugs sangs rgyas nyid dang mnyam pa 'di/ /gang zhig de la phyag dang mchod byed pa/ /sangs rgyas nyid la mchod dang khyad par med/ /de phyir dad dang mos pas 'di mchod pas/ /sangs rgyas nyid nges par 'gyur bas na/ /khyed kyi bka' bstsal shin tu lci bas na/ /bdag gi mchod gnas khyed la dbul bar bgyi'o/ /khyed kyis sems can 'gro don spel bar mdzod/ /ces springs nas sku shing rta'i steng du bzhugs su gsol te/ dharma pa la dbul bas skyes dod sangasar rgyas 'grub pa'i rten yod bya ba'i 'phrin springs pa yin pas/ da yang rgya nag rgyal po bya ba chos nyams chung chud pa yin pas chos skyes su bya'o gsungs nas o tan ta pU ri nas dgung lo bcu gnyis pa'i sku tshad de gyad mi bzhis spyan drangs nas de dang dge slong mngon pa 'din pa gcig mdo sde 'dzin pa gcig 'dul ba 'dzin pa gcig theg pa chen po ba gcig de rnams 'khor dang bcas te rdzings chab kyi steng nas spyan drangs te/ rgya nag rgyal po'i yul du gshegs so/ /mtshan yang jo bo shAkya mu ne ru gsol/ gdan khri da lta o tan ta pU ri na bzhugs so/ /de bzhin gshegs pa'i sku gdung dang bcas pa rgya nag po drin che bas de rnams brdzangs so/ /der rgya nag po'i yul du lo lnga brgya bzhugs nas 'gro don mdzad do/ / de nas rgya gar gyi rgyal po dang bal po'i rgyal po gnyis skyes phar bskur tshur bskur ba las bal po'i rgyal po dharma a sho bya bas rgya gar gyi rgyal po dharma pa la zhes bya ba chos skyong ba'i rgyal po de la skyes su rin po che glang po che'i rgyab khal gcig brdzangs nas de'i skyes lan du sangs rgyas dgung lo brgyad pa'i sku tshad jo bo mi bskyod rdo rje gnang bar zhu zhes 'phrin springs pas mi bskur pa'i thabs med nas gnang ngo / /de yang bal yul du lo lnga brgya bzhugs nas 'gro don mdzad do/ /de ni macom ldan 'das kyi sku tshad jo bo mi bskyod rdo rje yis ji ltar 'gro don mdzad pa'i 'phro las 'phros pa'i lo rgyus lags so/ /sangs rgyas kyi gsung rab bzhengs par snga ba dpal lha yul du tshigs su bcad pa rin po che la bris pa yod skad/ mi yul sangs rgyas kyi sku ras ris la bris pa'i gshan du spro ba bskyed pa'i tshig brtsam par bya zhing 'jug par bya/ /sangs rgyas bstan la dad par bya/ /'dam bu'i khyim na glang chen bzhin/ /'chi bdag sde ni gzhom par bya/ /chos 'dul 'di la spyod gyur pa/ /skye ba'i 'khor ba rab spangs nas/ /sdug bsngal mtha' ma med byed par 'gyur/ /zhes pa la sogs pa bris/ ras ris kyi gsham du rten 'brel bcu gnyis dang / 'phags pa'i lam yan lag brgyad pa bris nas yod pa dang / de bzhin gshegs pa bdun gyi gso sbyong dang / khyim bdag mgon med zas sbyin gyi mchod gnas kyi glegs bam klog pa'i yi ge zhus nas bris pa dang / sangs rgyas kyi gsung gis yi ge dang / ming dang / tshig dang gsum gyi tshogs bsdus la phyi glegs bam du bsdus shig gsungs nas yi ge bsdus pa lnga bcu pa/ dbyangs kyi yi ge bcu drug la a li zhes pa dang / gsal byed sum cu rtsa drug la ka li zhes bya ba dang /