de ltar a li ka li'i mdo gsungs/ ming gi tshogs bsdus pa la 'khor ba zhes pa dang / lam zhes pa la sogs ming sum brgya drug cu ru bsdus te gsungs/ tshig gi tshogs la chos kyi phung po brgyad khri bzhi stong du gsungs pa rnams lung du bris pa yang gsang sngags rnams lha gnas su/ rdo rje 'dzin don sdud pa po rnams kyis rin po che gser gyi glegs bam la baiDUrya zhun mas bris pa dang / bka' sde snod gsum gyi chos rnams thub pa mya ngan las 'das nas bka' bsdu ba lan gsum byas pa'i phyi ma la nyan thos dang / byang chub sems dpa' dang / so so'i skye bo paNDi ta mkhas pa rnams kyis bka' shog la snag tsha nag pos bkod nas bka' rnams lung du bris pa ni chos dkon mchog gi rten yin/ 'phags pa'i dge 'dun dkon mchog gi rten ji lta bu byung ba ni/ sangs rgyas kyi 'khor na nyan thos kyi dge 'dun/ byang chub sems dpa'i dge 'dun gnyis yod pa la nyan thos mang yang nyis brgya lnga bcu dang brgya dang bcu drug yod kyang gtso bo lngar 'dus te/ sras sgra gcan 'dzin dang / shes rab can gyi mchog shA ri'i bu dang / rdzu 'phrul can gyi mchog mo'u 'gal gyi bu dang lnga'o/ /de la 'od srung mya ngan 'das pa'i sku lus brag bya rkang can gyi ri'i zom du bzhugs so/ /ri'i rtse mo ru rgyal po ma skyes dgras mchod rten brtsigs te phyis byams pa'i bstan pa la lta bar bshad pas 'od srungs kyi rten yin no/ /mo'u 'gal gyi bu ni dgra bcom pa bdun khrir bcas pa mu stegs kyi tshogs kyis grong khyer shing thag can du dbyig pas bcom nas mya ngan las 'das/ ston pa mya ngan las 'das pa ni thos par yang mi bya na mthong ba ni lta ci smos zhes pas de'i dus su shA ri'i bu yang dgra bcom brgyad khri dang bcas pa grong khyer ya ngar du mya ngan las 'das nas spur zhugs la bzhen nas ring bsrel bsdus te mchod pa byed lugs sangs rgyas nyid la zhus nas mchod rten brtsigs so/ /sru skye dgu'i bdag mo gau ta mi dgra bcom pa lnga brgya yang grong khyer pad mo can du lus so/ /kun dga' bos bstan pa rjes su bskyangs nas phyis bcu pa'i dbus su mya ngan las 'das nas de'i spur gnyis su mdzad nas cha gcig rgyal po ma skyes dgra la gnang nas mchod rten mdzad do/ /cha gcig yangs pa can gyi li tsa byi rnams la gnang nas mchod rten brtsigs so/ /sras sgra gcan 'dzin 'khor dgra bcom pa stong dang bcas nub phyogs pri yam ku'i gling na da lta yang zhal bzhugs so/ /bcom ldan 'das kyis kun dga' bo dang sgra gcan 'dzin gnyis phyag gis bzung nas kun dga' bo ni go re long / sgra gcan 'dzin 'di nga'i bu/ 'di gnyis phyogs bcu'i sangs rgyas la gtad/ de bzhin gshegs pa rnams kyis skyongs/ dge 'dun rnams kyis khur cig gsungs so/ /mdo sde dge ba'i rtsa ba yongs su 'dzin pa gsung ba'i dus su nyan thos 'od srungs chen po sangs rgyas kyi gdan phyed la bzhag nas 'od srungs ni nga dang mnyam mo zhes gsungs pas tshul khrims dang brtul zhugs dang dka' thub dang tshangs par spyod pa la gnas pa gang ci yang rung ba de dag ni 'phags pa dgyes pa'i tshul khrims mchog ces bya ste gnas brtan rgyal po'i thu bo dang 'dra bar rab tu byung nas ring po ma lon pa/ tshangs par spyod pa/ mngon par spyod pa rnams kyi mchog 'di lta ste/ dge slong tshe dang