ldan pa kun shes ko'u di na ya dang / 'dod pa chung ba dang sbyangs pa'i yon tan la gnas pa dang / chog shes pa rnams kyi mchog 'phags pa 'od srungs chen po dang / shes rab che ba dang stobs che ba rnams kyi mchog 'phags pa shA ra dwa ti'i bu dang / rdzu 'phrul dang mthu che ba rnams kyi mchog 'phags pa mo'u 'gal gyi bu chen po dang / lha'i mig dang ldan pa rnams mchog 'phags pa ma 'gag pa dang / mang du thos pa rnams kyi mchog tshe dang ldan pa kun dga' bo dang / 'dul ba 'dzin pa rnams kyi mchog 'phags pa nye bar 'khor dang / chos smra ba rnams kyi mchog byams ma'i bu gang po dang / bslab la gus pa rnams kyi mchog 'phags pa sgra gcan 'dzin dang / mal cha dang stan bgo ba rnams kyi mchog gyad nor gyi bu dang / 'khor du seng ge'i sgra grags pa rnams kyi mchog 'phags pa bha ra dhwa dza bsod snyoms len dang / khyim bdag dad pa skyed pa rnams kyi mchog 'phags pa nag po 'char ka dang / lha dang mi yis mchod pa rnams kyi mchog 'phags pa legs mthong dang / zhes gsang sngasags rjes 'dzin las gsungs so/ /nyan thos rnams kyahi nang nas che ba rnams yin no/ /gzhan yang gtso chen brgyad dang bcu drug dang / dge slong stong nyis brgya lnga bcu la sogs pa rnams las phyis nyan thos kyi sde bco brgyad du gyes pa ni kun dga' bo nas brgyud pa mang ngo / /lnga brgya tha ma'i dus na sangs rgyas kyi na bza' ngur smrig gi rgyal mtshan gos gsum 'chang ba yan chod nyan thos rnams kyi rten du byin gyis brlabs te bzhag go/ /shAkya seng ge'-i bstan pa yi/ byung tshul mdo tsam shes ldan grogs po'i ngor/ ma 'brel bab col spangs te tshul bzhin bkod/ 'khor lo gsum dang bsdu ba gsum/ gtan la 'bebs byed bstan bcos rim gsum dang / /rnam dbye zhib mo chos 'byung rgyas pa 'dir/ /bye brag sde pa'i rnam dbye bstan pa ni/ /bstan pa'i rtsa ba sde pa rnam bzhi ste/ /thams cad yod smra phal chen gnas bstan pa/ /mang pos bkur ba de yang mkhan pas dbye/ /de la sgra gcan 'dzin dang nye bar 'khor/ /ka ta ya na 'od srungs rim bzhin no/ /de las gyes pas bco brgyad dag tu blta'o/ /gzhi'i dang po 'od srungs ste/ sa ston sde dang chos srung sde/ /mang thos gos dmar slob ma dang / /rnam par phye ste smra ba dang / /yod par smra ba'i sde pa bdun/ /shar dang nub dang gangs ri gnas/ /'jig rten 'das par smra ba dang / /rtag par smra ba'i sde dang lnga/ /phal chen po/ rgyal byed tshal gnas/ 'jig med gnas/ gtsug lag khang chen gnas brtan pa/ sa sgrogs ri dang srung ba pa/ gnas ma bu yi sde rnams ni/ kun gyis bkur ba rnam gsum/ de dag rnams kyi khyad par rnams/ yul ston slob dpon bye brag las/ tha dad rnam pa bco brgyad do/ /zhes pa thams cad yod smra'i sde/ sgra gcan 'dzin gyis kun dga' bo la/ sha na'i gos can nyer sbas dang / dhi ti ka dang nag po ba/ legs 'ongs 'phags pa blo mi phebs/ de yang sde pa'i gyes lugs rnam par bzhag pa ni 'phags pa nyan thos la mdo sde pa dang / bye brag smra ba gnyis kyi grub mtha' 'dzin/ de gnyis las nyan thos kyi sde pa bco brgyad gyes/ de yang btsun pa lha chen po zhes pas/ lha rnams ma rig pa yis bslus/ /lam ni sgra'i rgyun las byung / /the tshom can ni gzha' ru 'jug /'di