ni sangs rgyas bstan pa yin/ /de skad smras pas ma matun pas/ /rgan rigs gang zag tshig yin zer/ /gzhon pa rgyal bana'i tshig yin zer/ /smras nas dge 'dun phal chen dang / /gnas brtan pa yi sde gnyis byung / /de las rtsa ba'i sde bzhir gyes/ /phal chen gyi sde dang thams cad yod smra'i sde/ gnas brtan pa dang legs dpon pa/ phal chen pa dang lnga ru gyes/ shar gyi ri bo'i sde/ nub kyi ri bo'i sde/ gangs ri'i sde/ 'jig rten 'das smra'i sde/ rtag smra'i sde/ thams cad yod smra bdun du gyes/ thams cad yod par smra ba dang / 'od srungs sde dang chos srung sde/ mang du thos pa'i sde/ gos dmar can gyi sde dang / rnam par phye ste smra ba'i sde/ gnas brtan pa dag gsum du gyes/ rgyal byed tshal gnas kyi sde dang / 'jig med rigs gnas kyi sde dang / gtsug lag khang chen po'o/ legs dpon pa la gsum du gyes/ sar sgrogs rigs kyi sde pa dang / srung ba'i sde pa dang / gnas ma bu'i sde'o/ /de las gyes pa bco brgyad do/ /'phags pa nyan thos la mdo sde pa dang bye phrag smra ba gnyis so/ /grub mtha' 'dzin pa de gnyis lam bco brgyad du gyes lugs bstan pa'o/ /byang chub sems dpa'i dge 'dun rnams kyi rten byung tshul ni/ byang chub sems dpa' bsam gyis mi khyab pa yod pa'i nang nas sangs rgyas bcom ldan 'das dang mnyam pa bzhi yod de/ byams pa ni dam pa tog dkar pos dga' ldan nas 'dzam bu'i gling du byon pa'i dus su byams pa rgya gar lho phyogs kyi khrong khyer gser ldan na yod pa la lha yul du ston pa'i rgyal tshab dgos nas dga' ldan du skye ba bzhes/ chos kyi rgyal tshab mdzad do/ /'jam dpal ni shar phyogs kun tu bzang po'i zhing nas zab mo'i don zhu chen la byon pa yin no/ /spyan ras gzigs ni nub phyogs bde ba can nas gsung rab kyi mdzod 'dzin pa la byon pa yin no/ /phyag na rdo rje ni shar phyogs mngon par dga' ba nas bdud dang ma rungs thams cad 'dul ba'i don la byon nas byang chub sems dpa' bzhis bstan pa skyong ngo / /tshul rnams ni gong du bstan pa rnams so/ /de bzhin sku dang gsung dang thugs dang mchod rten rang byung du byon pa dang / bzo bos byas te yon gyi bdag pos bzhengs pa ni bsam las 'das so/ /de rnams kyi 'gro don ni bsam las 'das so/ /gzhan yang byang chub sems dpa' rnams khyi'u dang / bu mo/ khyim pa dang / rab tu byung ba dang / rgyal po dang / bram ze dang / ded dpon gyi cha byad rnams dang / dud 'gro'i lus blangs nas de'i gzugs kyis sems can gyi don mdzad pa yang bsam las 'das so/ /bskal bzang lnga brgya dang gtso chen brgyad mi'i yul na bzhugs par bshad do/ /li yul 'dir ni sangs rgyas stong po thams cad kyi bstan pa 'byung bar lung bstan pa las sangs rgyas 'od srungs kyi bstan pa nub nas der drang srong gnyis kyis dge ba'i bshes gnyen byas so/ /de gnyis kyang mi ngan pa rnams kyis gtses pas rdzu 'phrul gyis yul gzhan du song ngo / /der klu rnams kyis yul de mtshor btang ngo / /dus phyis sangs rgyas shAkya thub pa 'khaur mang po dang bcas pa nam mkha' la rdzu 'phrul gyis byon te/ ri glang ru la bzhugs nas mtsho de la pad mo sum brgya lnga bcu rtsa gsum 'dug pa de sku gzugs dang bcas pa'i dgon pa dang gtsug lag khang ghan dhe brdungs pa'i sde dgon