de snyed 'byung ba'i snga ltas su gsungs so/ /mtsho de shA ri'i bu'i gseg shang gi yu ba dang rnam sras kyi gdung gi rtse mo gnyid kyi ral gris gshos gtsang po la pho ste li yul snang bar byas so/ /de nas byang chub sems dpa' mthu chen thob kyis sangs rgyas 'od srungs kyi mchod rten drung du bzugs te yul de byung bar gyur pa'i tshe/ thub pa'i sku gzugs byed par sa gzhi byin gyis brlabs so/ /nam mkha'i snying pos kyang gtsug khang 'jig tshogs spong byed ces bya ba grub nas/ sa gzhi mchod gnas su 'gyur bar byin gyis brlabs so/ /spyan ras gzigs kyis kyang / gtsug lag khang 'od mdzes zhes pa mdzad nas/ dngos grub thams cad 'byung bar byin gyis brlabs so/ /byams pas kyang / gtsug lag khang bi si no nya zhes bya ba bsgrubs nas bdag nyid bzhugs par byin gyis brlabs so/ /sa'i snying pos kyang gtsug lag khang ye shes ri zhes bya ba bzhengs nas byin gyis brlabs so/ /phyag dang mchod pa bya bar byin gyis brlabs so/ /byang chub sems dpa' sman pa'i rgyal pos gtsug lag khang sa na rtse zhes bya ba mdzad nas dngos grub ma lus par 'byung bar byin gyis brlabs so/ /kun tu bzang pos kyang gtsug lag khang dge 'dun skyong zhes bya ba bsgrubs nas dngos grub 'byung bar byin gyis brlabs so/ /de bzhin du sangs rgyas dang byang chub sems dpa' 'phags pa nyan thos dang rang sangs rgyas dang dgra bcom pa rnams kyis li yul du gtsug lag khang dang skyed mos tshal dang dgon pa'i gnas 'byung bar byin gyis brlabs so/ /de nas sangs rgyas shAkya thub pa mya ngan las 'das nas lo brgya song nas rgya nag gi rgyal po cha nang zhes bya ba la bu stong du gcig gis ma tshang ba rgyal po bya ngan med mchod rten go ma sa la ghan dha la mchod pa 'bul du yong ba na der sras gcig btsas pa na bram ze mtshan mkhan la mtshan bstan pas yab kyi ring la rgyal po byed par lung bstan to/ /der rgyal pos rgyal bu bor bas bsod nams kyi mthus sa la nu ma byung zhing 'dug pa de rnam thos sras kyis rgya nag rgyal po la byin no/ /der song ba dang rgyal bu'i zla bo rnams kyis khyod rgyal po'i bu ma yin no/ /der song ba dang rgyal bu'i zla bo rnams kyis khyod rgyal po'i bu ma yin no/ /zhes smras pas/ 'o na nga gar skyes pa'i sa der skyol zer nas sdod du ma 'dod do/ /der rgyal pos kyang nub phyogs na sngon sangs rgyas rnams kyis byin gyis brlabs pa/ mchod rten go ma sa la ghan dha yod pa der rgyal bu sa la nu lo bcu gnyis lon pa gcig blon po ja shos gtso byas pa'i dmag khri tsho gcig bcas li yul 'dzin du btang ngo / /de yang lo bcu dgu pa la li yul btab ste li yul bzung / des lo bcu gnyis li yul gyi rgyal po mdzad do/ /sa la nu'i bu rgyal po byi tsa na sam bya ni 'jam dpal gyi sprul pa yin no/ /de'i ring la li yul du dam pa'i chos byung ste dar bar byas so/ /de'i dus su byams pa'i sprul pa bai ro tsa na bya ba byon/ de'i phyir de la sa nu'i yul li yul zhes bya bar grags so/ /de'i tshe rgya gang nub phyogs nas chos rgyal mya ngan med kyi blon po yag sha zhes bya ba dmag stong tsho bdun dang bcas pa der 'ongs te 'dug pas yul de'i skad rgya gar dang mthun pa/ spyod tshul bzhi ni rgya nag dang mthun par yod/ mya ngan