pa smin par byas te tshom bu brgya dang bcas te tshogs bsgrubs pas/ rig pa 'dzin pa'i sa thob nas/ gdul bya skal ldan rnams smin par mdzad do/ /de nas blo ldan rgyal po dza yis 'gro ba sems can skal pa dang ldan kun/ yang dag pa'i lam zab rdo rje theg pa la 'god pa'i phyir/ sangs rgyas kyi bka' mdo rgyud rab 'byams dri ma med pa rnams gsung gi rten du po ti glegs bam rnams dkar shog la bris nas/ rgyas par mdzad do/ /lo rgyus de'i don ni 'di yin te/ thub pa mya ngan las 'das nas lo nyi shu rtsa brgyad na/ ma la ya'i ri bo la/ gsang ba'i bdag po mngon par gshegs nas/ lha klu gnod sbyin srin po dang / /mi las skal ldan 'dus pa la/ /dbang pos ji ltar lung bstan dus/ /rgyal po rig can ltas shar pa/ /'brel bas snang la mngon brtags pas/ /thugs kyi sgrub pa mngon rtogs te/ /de nyid sgo nas de nyid 'grub/ /bstan pa'i dngos grub de nas thob/ /don dam bcud kyis de nas rgyas/ /'dod pa'i bsam pa de ru 'grub/ /smon pa'i lha dang de ru mjal/ /de nas rdo rje gdan steng gi/ /'dzam gling shar gyi phyogs mtshams su/ /pho brang dam pa rin chen nang / /bkra shis dam pa'i khang bu ru/ /ku ku ra dza i?dra bo dhi dang / /sing ha u pa ra dza dang / /sras mo go ma sa la sogs/ /sgyu 'phrul dra ba'i dbang thob nas/ /tshogs kyi dkyil 'khor dngos grub ste/ /rdo rje 'chang bar sngon du gshegs/ /de nas re zhig na rgyal po dza ma ga dha na bzhugs pa'i dus su yab mes kyi yi ge rnams gzigs pas/ mes dhar ma a sho kas sangs rgyas kyi sku gsung thugs kyi rten bzhengs par zhal gyis bzhes pa la/ mchod rten bye ba bzhengs pa grub ste/ gsung gi rten ma grub pas/ de'i phyag rjes ngas gsob pa/ zhes gsungs pas 'bangs rnams kyi rharma a sho kas zhal gyis ci bzhes zhus pas de ngas bshad kyis khyed rnams nyon cig gsungs nas/ sngon skye ba snga ma la mnyan yod du byis par gyur pa na/ sangs rgyas bcom ldan 'das dang / tshe dang ldan pa kun dga' bo gnyis rgyal po'i khab tu bsod snyoms la gshegs pa'i tshe de na tshong pa'i rigs tha ga pa ma mad gnyis yod pa'i bus/ bye ma la 'bras kyi bang ba'i tshul du byas te rtse ba la/ sangs rgyas byon pa la byis pa rnams dad nas/ bye ma khyor gang phul ba dang / gzugs kyis ma slebs te/ grogs gnyis sgur ba'i steng du 'dzegs te/ bcom ldan 'das kyi lhung bzed smad pa la yar gtor bas/ bye ma lhung bzed du song ba de ma yis mthong nas/ ma na re bu la/ 'phags 'di lta bu byon pa la/ kha zas kyi bsnyen bkur mi byed par rdul 'thor ba zer nas bu la thal lcag brgyab pas/ de la bcom ldan 'das kyi bka' bstsal pa/ khyed kyi bus nga la dad gus kyis bye 'bras phul bas/ bye ma phul ba'i grangs dang mnyam pa'i bde bar gshegs pa'i sku gdung bzhengs pa'i las bsags te/ de'i 'bras bu ni/ ma 'ongs pa na 'dzam bu'i gling la dbang ba'i rgyal por skyes nas/ byis pa rtse rogs gnyis kyang bcom ldan 'das la dad pas gnod sbyin gnyis su gyur nas/ rgyal po de yi 'phong grogs byas nas shing rta bsgrubs nas nub gcig la mchod rten bye ba brtsigs te/ bka' bsdu ba'i bdag rkyen yang byed la/ bla mchod dgra bcom pa gnas brtan grags pas gtso byas pa dgra bcom pa lnga brgya 'degs/ sku gdung bye ba bzhengs