par 'gyur ro/ /gsungs nas lung bstan gnang ngo / /der bram ze mo de dga' nas bcom ldan 'das la gsol ba/ bye ma de la grangs su bdog bcom ldan 'das kyis bka' bstsal pa/ bye ma'i grangs bye ba yod do/ kun dga' bo khyod bye ma 'di chos gos kyi grar thums la byis pa bsod nams 'phel ba'i phyir gtsang khang la khyod kyis zhal ba gyis shig ces bka' bstsal te de'i shul na nA len dra na mchod rten 'dom bzhi tsam pa zhig la bcom ldan 'das kyi sku bzhugs pa gcig yod do/ /phyis sangs rgyas mya ngan las 'das nas lo brgya drug cu na grong khyer shing thags can ma/ rgyal po shing rta bcu pa zhugs pa'i tshe/ ma ga dha na rigs 'breg mkhan bza' tsho gnyis kyis tshong pa mang po'i phyir phyin pas lam du khyo sbrul gyis bsad pa'i pas bud med cig deshing thags can gyi rdzing na 'dug pa na rgyal po skyed chos tshal du gshegs pas gzigs nas bud med de la khyed kyis 'breg pa'i bya ba shes na/ nga'i sen mo bregasashig gsungs nas bu mo des phyag sen bregs pas/ shin tu bregs pa mkhas pas rgyal po'i zhal nas/ khyed kyis nga'i sen mo 'breg mkhan gyis shig khyed kyi 'tsho ba ngas sbyor ro zhes pa dang / bu mo de shin tu mdzes pas dus phyis rgyal po'i btsun mo phyi mtshams mar gyur pas/ 'bangs kun na re/ rgyal po'i rigs khyod kyis bslad zer nas 'tshe bar byed pas/ bu mo de shin tu yid mi bde zhing mya ngan che bas/ de nas re zhig na/ bu mo de la yul dbus su grong khyer me tog rgyas par rgyal bu zhig btsas pas/ 'khor 'bangs kun na re/ da ni rgyal sras yod pas btsun mo yin zer zhing kun byams par gyur/ bu mo yi sems ma bde ba zhi bas/ bu rgyal bu de'i mtshan yang mya ngan med ces bya'o/ /de nas re zhig na yab rgyal po la 'chi ltas byung nas rgyal po de la sras bram ze mtshan mkhan la mtshan ston la/ rtsis gyis shig ces bka' bsgo byas so/ /der rgyal bu che shos kun bram ze'i drung du song ngo / /bu mo'i bsam pa la/ nga'i bu rgyal bu 'di yis nam kyang yang ni/ rgyal srid mi thob snyam nas/ 'breg mkhan ma'i bu bram ze'i gam du ma phyin pa dang / glang rdzis glang btul bas glang po che bzang shos 'dug nas/ mya ngan med khyed kyis thob zer/ blon po che ba zhig na re/ bram zes mtshan ma shes/ rgyal srid sus thob nges pa med kyis/ mya ngan med la khyed rang yang song dang zer ba dang / der rgyal bu chu ba 'breg mkhan ma'i bu mya ngan med kyis kyang phyin pa dang / bram zes mtshan bltas pas bu chung ba mya ngan med kyis rgyal srid 'dzin par shes nas ni/ der bram zes smras na/ rgyal bu che ba rnams kyis de nyid du phrag dog byed du 'ong bar 'dug nas rgyal bu chung ba gsod par 'dug pas/ bram zes khyed rgyal sras rnams stan ches bzang bar 'dug pa/ zas gos ches bzang ba gcig gis rgyal sa 'dzin no/ /zhes smras so/ /lung bstan pa der rgyal bu che ba rnams na re/ stan bzang po la 'dug pa/ zas gos kyi mchog ni nga'i 'di yin zhes zer te song ngo / /bu chung bas ni 'bras chan zos/ ras rnying pa gon/ sa gzhi la bsdad do/ /der blon po gcig gis lkog tu dris pas/ bram ze na re/ stan mchog ni sa gzhi/ gos mchog ni ras gos/ zas mchog ni 'bras chan no/ /zhes zer nas/ 'breg ma'i bu la lung bstan par rig go/