/de nas dus ring zhig na/ nub phyogs rnga sgra can gyi rgyal pos/ shing thags can gyi rgyal po la dmag 'dren du btang ba la/ dus btab nas rgyal bu mya ngan med de'i dmag dpon du bskos te btang bas/ nub phyogs rnga sgra can gyi dmag thams cad bsad/ de'i rgyal srid phrogs/ rgyal khams thob nas yab la skyes dang stangs mang po phul nas bca' mang po bskur nas btang bas/ phu bo rnams na re/ rgyal khams de shin tu bzang bas/ nged 'dod do zer nas khong phu bo rnams kyis khyer ro/ /mya ngan med yab rgyal po'i drung na 'dug pa dang / yab rgyal po grongs par shes nas/ nga'i bu che ba rnams khug cig rgyal srid gtad do gsungs pas blon po chen po zhig gis rgyal bu mya ngan med la gtong par zhus palas/ yab rgyal po na re/ nga la chen ma'i bu bzang po rnams yod bzhin du/ bran mo'i bu la rgyal srid gtod zer ram zer te/ rin po che'i prog zhu dang / bum pa pus mo'i 'og tu sbas te/ de nas blon po che ba zhig gis zhus pa/ rgyal po chen po/ rgyal bu gzhan rnams ni/ sa thag ring por song / 'dir re zhig mi slebs/ rgyal po ni 'grogs pas/ da bu chung ba 'di la rgyal bu gzhan rnams ma slebs kyi bar la dbang bskur bar zhu/ bram ze mtshan mkhan gyis mtshan brtag pa yang 'di yin zhes gsol te/ gzhan rnams yong ba dang / gang che ba zhig la dbang bskur ro/ zhes zhus pas/ der yab rgyal pos mya ngan med la rin po che'i prog zhu bskon te bum pa gtad nas dbang bskur ro/ /der yab rgyal po sku 'das so/ /de nas mya ngan med la rgyal srid phul bas/ nga rgyal po yang dag na/ rin po che'i khri dang / bang mdzod dang / 'dod yon thams cad lhun grub tu rang bzhin gyis shog cig byas pas/ de rnams yid bzhin du byung / de'i phu bo rnams kyis gtam de thos pas/ pha'i srid de nged phu bo la dbang bskur bar dbang bas/ rgyal srid nged rang 'dod zer nas dmag chen po drangs byung ba las/ der 'thabs pas rgyal bu phu bo rnams pham ste/ de thams cad mya ngan med kyis bsad pas/ de nas mi'i yul du rigs drug gi tshul du rgyal po'i rgyal srid bskyangs so/ /de yang lha'i longs spyod dang / mi'i bsod nams dang / lha ma yin gyi 'thab rtsod dang / dud 'gro'i bkol spyod dang / yi dwags kyi bkres skom dang / dmyal ba'i tsha grang dang / bcad btubs la sogs pa la 'khor 'bangs rigs rnams sbyar te sdig spyod chen por gyur to/ /rgyal bu mya ngan med kyis/ 'dzam bu'i gling phal cher la mnga' mdzad de/ ming yang cin dan a sho ka zhes su grags so/ /nga ni sdig can mya ngan med ces bya ba yin no/ /gshed ma tshol cig rnyed pa de la bya dga' sbyin no zhes pas/ blon po zig gis rgyal po'i khab tu phyin pas/ btso blag ma'i bu zhig gis/ sbrang ma bsad pa'i ro lud phung tsam bya te/ da rung gsod par mthong nas blon pos byis pa de la khyed de tsam gyi srog chags gsod pa/ sdig la mi 'dzem pa zhes smras pas/ bu de na re/ nga ni me tsher gsod pa la rtsi/ gsod pa 'di ga brod de bsad zer/ blon po'i bsam pa la/ de la gshed ma btub po snyam nas/ khyed de tsam du srog gcod pa la brod na rgyal po'i khrims gcod pa'i gshed mar bskos na nus sam zhes smras pas/ de ni thos na shin tu yang dga'o zer nas/ der de khrid nas rgyal po mya ngan med la