tsam zhig yod do/ de'i steng na mchod rten zhig yod de/ de ni lhas byas pa'i phyag rtags yin skad/ de'i lho ngos na rgyal po dharma a sho ka'i sras dang btsun mo gsum gyis bzhengs pa'i mchod rten 'phang du 'dom bco lnga tsam pa de'i kri 'phang la them skas yod de/ bzo khyad par 'phags pa bum pa la lha'i sku bzhugs pa gnyis bzhugs/ dharma a sho kas rdo rje gdan gyis gan dho la la sogs pal bzhengs pa'i dus kyi gnas kyang der mdzad do/ /de dag ni chos kyi rgyal po mya ngan med kyis sangs rgyas kyi sku gzugs dang bstan pa rgyas par mdzad pa'i gtam rgyud do/ /gzhan yang sangs rgyas bcom ldan 'das kyi sku gsung thugs kyi rten sogs te gnas gzhan brgyad na/ de bzhin gshegs pa'i mdzad pa dpag tu med pa'i mdzad pa dang / dpal gyi ri dpal ldan 'bras spungs dang / bya rgod phung po'i ri dang / brag bya rkang can dang / skye rabs kyi gtam dang / dpal nA len dra dang / de na mdzad pa lnga brgya bzhugs/ 'bri ka ma la shi la dang / o tan ta pU ri dang / 'dzam bu'i gling gi rgyan drug gi bzhugs gnas dang / grub pa brnyes pa'i rnal 'byor rnams kyis thugs dam du bzhengs pa dang / 'phags pa rang byung gi shing dang / rdo ba la byon pa dang / de la sogs pa'i lo rgyus dang gtam rgyud mang du yod de/ bstan bcos chen po'i mdzad tshul dang / gdams pa zab pa rnams kyi byon tshul du bstan pas ma bris so/ /mdo mngon par 'byung ba las gsungs pa'i skye rabs ni 'di yin no/ /rgyal po la snga ba mang pos bkur ba yin no/ /de'i sras ni 'od mdzes so/ /de'i sras dge ba/ de'i sras dge mchog de'i sras gso sbyong 'phags/ de'i sras spyi bo skyes dang nga las nu/ de'i sras mdzes pa/ de'i sras nye mdzes so/ /de'i sras nye mdzes ldan/ de'i sras mdzes ldan/ de'i sras bzang po/ de nas rim pas legs bzang / btang pa/ btang bzung / yan lag yan lag shing rta/ ngan spong skal ldan shing rta/ rgya mtsho/ rgya mtsho'i bu/ rgya mtsho chen po sha ku ni/ sha ku ni chen po/ ku sha/ nye ba'i ku sha/ ku sha chen po/ legs mthong / legs mthong chan po/ rab thob/ rab thob chen po/ rab tu sgra bsgrags/ rab tu sgra bsgrags chen po/ 'od byed/ brtul phod lhun po ldan/ lhun po yod 'od zer/ 'od zer ldan/ 'od zer stong ldan/ kun nas 'od zer ro/ /de'i bu/ tsha bo/ yang tsha/ sum tsha'i yang rgyud/ rgyal po brgya tham pa yul gru 'dzin du byung ngo / /de rnams kyi tha ma ni rgyal po dgra 'dul zhes bya ba byung ste/ des dgra rnams btul bas mtshan yang de skad du grags so/ /de'i bu/ tsha bo/ yang tsha/ sum tsha'i rgyud rgyal po lnga khri bzhi stong yul dmag gis mi tshugs par byung ngo / /de rnams kyi tha ma ni/ rgyal po ma rgyal ba las rgyal ba bya ba byung ngo / /rgyal ba zhes grags so/ /de'i bu yang tsha/ sum tsha'i rgyud pa rgyal po sum khri drug stong / yul wa ra Na sir byung ste/ de rnams kyi tha ma ni rgyal po bzod pa dka' zhes bya ba byung ste/ bar rgyal rabs sum khri drug stong / yul wa ra Na sir byung ngo / /de'i bu nas bzung ste/ bu tsha bo/ yang tsha/ sum tsha'i rgyud rgyal po brgyad khri bzhi stong kim bi li'i grong du byung ste/ de rnams kyi tha ma ni rgyal po tshangs sbyin zhes bya ba byung ngo / /de'i bu