de'i mdun phyogs kyi drung na/ sngon lteng rgyas 'od srungs la sogs pa ral pa can stong rab tu byung ba'i sa na/ ral pa dang gdu bu la sogs bskyur nas/ de'i steng du bye ma spungs pa la mchod rten gyi gzugs su byas pa chen pa zhig yod/ de nas rdo rje gdan gyi shar phyogs na/ gzhon nu ma bdun dang mjal sa na mchod rten bdun dang / ral pa can lnga brgya brtul zhugs pa'i la na/ slob dpon klu sgrub kyis sgom mdzad sa yod/ de'i byang du mda' rgyang gang klu sgrub kyis klu'i yul bho dhi rtse bsnams nas byon te/ byin gyis brlabs nas btsugs pa'i shing phung gsum yod/ rdo rje gdan gyi byang phyogs na sing ga gling pa'i grong gi dkyil na/ sngon bcom ldan 'das ri bong du skye ba bzhes pa'i dus su/ brgya byin dang phrad de me nang du mchongs pa'i skyes rabs kyi sa na/ mchod rten 'dom gang tsam pa gcig bzhugs/ de dang nye ba na sngon bcom ldan 'das bya sreg par skye ba bzhes nas/ ri bong glang po rnams phyag la ma 'dum nas/ gang rgan rtsis pa'i shing phung gi shul na/ mchod rten 'phang du 'dom gsum tsam pa gcig dang / Na?ya gro ta'i shing phung gcig kyang yod/ rdo rje gdan gyi nub phyogs lcags ri'i rgyab na sngon bcom ldan 'das bsod snyoms la byon pa'i sa na rgan mo zhig gis lci ba gong bu phul bas/ de gser du bsgyur te slar rgan mo rang la gnang ba'i sa na go pa u re zhes pa'i mchod rten 'apang du 'dom gsum pa zhig bzhugs/ rdo rje gdan gyi lho phyogs lcags ri'i logs gtad sa na/ ghe pa ri zhes pa yod de/ der slob dpon klu sgrub dang / thogs med bzhugs skad/ de na mgon pa byin rlabs can che ba zhig kyang bzhugs/ de'i bdag po kha che bas byed do/ /bod kyi rab tu byung ba rnams kyang der gnas tshang 'cha'o/ /de'i nye logs lho phyogs na/ slob dpon sangs rgyas ye shes zhabs kyis bzhugs nas bsod snyoms mdzad pa'i dus su 'dag pa lhung bzed re bsnams nas byon te/ de la bzhengs pa'i ma ti bi ha ra zhes pa'i gnas shig yod de/ der rje di paM ka ra shrI dznya na rab tu byung ba yin zer/ de'i phyi na slob dpon ye shes zhabs kyis byin gyis brlabs nas btsugs pa'i shing a ru ra'i sdong po chen po gcig kyang yod/ de dang nye ba'i byang shar na/ co ba ri'i lha khang na sgrol ma'i rdo sku mi langs pa tsam byin rlabs che ba gcig bzhugs/ de la mchod pa yang nar mar byed do/ /de nas lho phyogs rgyang grags tsam na/ sngon bcon ldan 'das glang po cher skye ba bzhes pa'i rabs kyi shul na/ mchod rten 'phang du 'dom lnga tsam pa zhig bzhugs/ rdo rje gdan gyi shar phyogs chu bo nairadznyanga'i 'gram na dharma ra tsi ka ka zhes pa'i mchod rten zlum pa bang rim can/ de las che ba'i mchod rten gzhan na med pa zhig bzhugs/ de ni spyir gnas chen pa brgyad na mchod rten chen po brgyad yod par grags pa'i rdo rje gdan na yod pa gcig yin/ de'i bum pa'i nang na bcom ldan 'das kyi sku gdung phalla gang bzhugs skad do/ /de'i skor lam sa'i 'dom gsum tshun bcad du rdo thal gyis bskus pa yod do/ /de'i nub ngos kyi skor lam na rdo ring zhig btsugs yod do/ /de'i ring tshad la sngon 'dom sum cu yod skad do/ /de to ru ka'i dmag gis bcag nas da lta 'dam bdum yod do/ /de la sbom phra ni pho 'dom bdun gyis 'khor