su mi rnams kyi ming ni til skyes zhes bya'o/ /de'i bu dge mchog sprin zhes bya ba/ de'i dus su mi rnams kyi ming ni sprin mgrin zhes bya'o/ /de'i bu gso sbyong 'phalags so/ /de'i spyi bor sha rmen zhig byung ste/ 'jam zhing shin tu mnyen pa 'jam pa ni mer byas na/ shing bal lam/ ras bal gyi 'dab ma bzhin te/ gnod med de/ de smin te brdol ba las/ khye'u gzugs bzang zhing lta na sdug pa/ mdzes shing yid du 'ong pa/ skyes bu chen po'i mtshan sum cu rtsa gnyis dang ldan pa zhig byung ste/ ming yang spyi bo skyes zhes bya ba/ gso sbyong 'apags la/ btsun mo drug khri yod pas/ rgyal bu mang du byung ba dang de thams cad kyi nu ma kun las 'o ma zags te/ re res kyang nga la las nus nu zhes su thob byed pas/ ming rgyal nga la las nus nu zhes grags so/ /des gling bzhi'i lha dang bcas pa'i rgyal srid la mnga' mdzad do/ /de'i tshe gzhung lugs rgya cher spyad cing bsam te glod cing nye bar brtags nas byas pas deng phyin chad nas/ de ltar gyi bar du mi rnams kyi ming / spyod pa can dang / sems can dang / nye bar rtags pa can dang / shed las skyes pa zhes bya bar gyur to/ /mi rnams sems par byed/ 'jal bar byed/ nye bar rtogs par byed/ bsams/ gzhal/ rtogs nas bzo'i gnas dang / las kyi gnas tha dad pa byed du 'jug pa/ yid las skyes grags pa mtha' yas zhes bya ba grags so/ /rgyal po drug po 'di dag ni tshe tshad dpag tu med cing / dpag tu med pa 'khor los sgyur ba yin no/ /spyi bo skyes kyi brla g.yas pa la phol gcig byung ba las/ sngar bzhin gnod pa med de/ mdzes pa zhes bya ba skyes bu chen po mtshan sum bu rtsa gnyis ldan pa/ gser gyi 'khor lo rtsibs stong sgyur ba zhig byung ngo / /gling bzhi lha dang bcas pa btul te/ rgyal srid kyi dbang phyug la mnga' mdzad do/ /de'i dus su bskal pa bzang po'i sangs rgyas 'khor ba 'jig byon no/ /de'i tshe rgyal bu mdzes pa'i brla g.yon pa la sha rmen zhig byung / de la nye mdzes zhes dngul gyi 'khor los sgyur ba gcig byung ngo / /des gling gsum la dbang byas te/ de'i rkang pa'i bol gong g.yas la sha rmen byung bas/ sras mdzes pa can/ mdzes ldan/ de zangs kyi 'khor los sgyur ba gling gnyis la dbang sgyur pa gcig byung ngo / /de'i rkang pa'i mthil gyi 'og nas sha rmen byung ba las bzang po zhes lcags kyi 'khor los bsgyur ba gling gcig la dbang bsgyur ba byung ngo / /mtshan gcig ste/ de rnams ni rin chen bdun dang ldan pa'i 'khor los bsgyur ba'i rgyal po byung ngo / /tshe lo bdun khri'i dus su/ sangs rgyas thams cad skyob byon no/ /de nas lo khri tsho re bri ba'i dus su sangs rgyas log par dad sel byon no/ /de nas rgyal po kun nas 'od zer nas brgyad khri bzhi stong yul gru 'dzin du byung ngo / /'di mar bcad ni sems can gyi bsod nams kyi stobs kyis khams kyi rgyal phran du gyur to/ /brgya nas sum cu rtsa gcig gi tha mar/ rgyal po tshangs byin byung ngo / /de'i dus su grong khyer snga bar bram zhe'i rigs las tshe lo sum khri'i dus su sangs rgyas gser thub byon no/ /tshangs byin nas rim par brgyud de/ brgyad 'bum dang / brgyad khri drug stong / bzhi bcu rtsa dgu na/ 'khor los bsgyur ba'i rgyal po kri kri zhes bya ba tshe lo nyi khri'i