dus su byung ngo / /de'i dus su sangs rgyas 'od srungs byon no/ /kri kri ni ma 'ongs par byang chub par bya ba'i phyir smon lam btab nas/ dga' ldan gyi lha'i rigs su skyes so/ /de dag gi 'khor los bsgyur ba'i rgyal po sde lnga zhes bya'o/ /kri kri'i bu ni legs skyes/ bu mo ni gser mo spun bdun te/ 'khor ba la zhen pa log ste thar pa thob po/ mdzes ldan gyi bu ni btang ba'o/ /de'i bu ni btang bzung ngo / /de'i bu ni ku shi ni/ de'i bu ni ku shi ni chen po'o/ /de'i sras nye ba'i ku shi ni'o/ /de'i bu legs mthong ngo / /de'i bu ni legs mthong chen po'o/ /de'i bu ni gnod sel lo/ /de'i bu gser mdog shes rab ldan no/ /de'i bu ni skal ldan no/ /de'i bu ni ngan spong / de'i bu ni lhun po/ de'i bu ni mnyes sgro/ de'i bu ni rab tu sgra bsgrags so/ /de'i bu ni rab tu sgra bsgrags chen po/ de'i bu ni bde byed do/ de'i bu ni phyogs bdag go/ /de'i bu ni sdug bzang ngo / /de'i bu ni rgyas byed do/ /de'i bu tsha bo/ yang tsha sum tsha'i rgyud la lha chen po brgyad khri bzhi stong 'dres pa'i grong khyer du rgyal srid la mnga' mdzad do/ /yul gru 'dzin du byung ngo / /de'i 'og tu rgyal po mu khyud 'dzin zhes bya ba byung ngo / /de'i bu ni rgyal ba/ de'i bu ni lhun po/ de'i bu ni 'jigs byed shing rta rgyal/ de'i sras shing rta bcu pa'o/ /de'i bu tsha bo/ yang tsha/ sum tsha'i rgyud lnga len gyi rgyal po lnga stong byung ngo / /de'i phyi ma'i rgyud la/ ka ling ka'i rgyal po lnga stong byung ngo / de'i phyi ma'i rgyud la/ a smra li ka'i rgyal po bdun stong byung ngo / /de'i phyi ma'i rgyud la/ sgra mi snyan gyi rgyal po brgyad stong byung ngo / /de'i phyi ma'i rgyud la/ thod pa can gyi rgyal po dgu stong byung ngo / /de nas yan lag can gyi rgyal po khri byung ngo / /de'i phyi ma ma'i rgyud la/ glu dbyangs mkhan zhes rgyal pa khri byung ngo / /de'i phyi ma'i rgyud la/ ma ga dha'i rgyal po khri chig stong byung ngo / /de'i phyi ma'i rgyud la/ ta ma la'i rgyal po khri lnga stong byung ngo / /de la bu rigs gsum du gyes te/ ko sa la'i rigs dang / bha sa la'i rigs dang / bu rab shing skyes rigs dang / gsum zhes bya'o/ /de'i rgyud tha them pa na/ rgyal po rna ba can la bu gnyis te/ bha ra dhwa dza dang / gau ta ma'o/ /bha ra dhwa dza dbang bskur nas rgyal po byed/ gcung gau ta ma drang srong mdog nag po'i phyir rab tu byung ngo / /drang srong rtsa dang chus 'tsho bas/ gau ta ma des 'tsho bar ma gyur te/ gru 'dzin du bsod snyoms blangs te mi ring ba na lo ma'i spyil po byas te sgom mo/ /gru 'dzin na smad 'tshong 'gro ba bzang mo bya ba la/ yul de'i skyes bu pad ma'i rtsa lag bya bas/ gos dang rgyan byin nas smad nyos pa la 'tshong bar khas blangs so/ /de'i rjes la tshong pa zhig gis kar sha pa ni lnga brgya byin te/ 'gro ba bzang mo'i smad nyos pas/ dang po tshong pa'i rtsar phyin pas/ de la pad ma'i rtsa lag khros te skyed mos tshal der bzang mo ske ral gris bcad pa dang / g.yog mos jo mo bsad do zhes/ ku co dang sgra chen pos rtogs pas po sgrog pa skyed mos tshal gyi mi kun gyis thos pas/ grong pa'i ra mda' rgyug nas ded pa dang / pad ma'i rtsa lag bros pa'i mdun na/ gau ta