pa dngos ni/ lo bzhi bcu zhe drug dang / gzugs brnyan lnga stong gnas te/ tshe lo lnga bcu pa na/ bstan pa nub par 'gyur ro/ /da lta bar gyi bskal pa nyi shu'i ya thog ring mo'i dang po yin te/ sangs rgyas stong 'byung ba las/ dbyig ldan gyi mdo dang / dgongs pa 'dus pa dang / stong chen rab 'joms rnams las/ sangs rgyas bdun byon par bshad de/ gser lung mthun pa'i mdo dang / sher phyin snang ba'i mdo/ gsang ba bsam gyis mi khyab pa'i mdo dang / bskal pa bzang po'i mdo dang / 'das pa'i sangs rgyas rabs bzhi lngar byon par bshad do/ /'di dag ni re zhig chos mngon pa las byung ba'i rgyal po'i rim pa yin te/ rgyal rabs 'di ni chos mngon pa nas bshad pa dang / 'jig rten bzhag pa nas ji ltar gsungs pa bzhin no/ /bde bar gshegs pa'i yon tan la bsngags pa'i/ /blo gros gsal ba rnams kyis phyogs kun tu/ /'gro ba rnams kyi rna bar sgrogs par mdzod/ /sangs rgyas gsung rab yon tan rtogs par 'gyur/ /shAkya'i rabs kyi rnam thar rgyal rabs 'di/ /bstan la dad pa rnams la 'phel bar mdzod/ /bsod nams dpag tu med pa thob par ni/ /bcom ldan 'das kyi zhal nas gsungs pa lags/ /bod yul gangs ri'i khrod 'dir 'gro ba mis ji ltar bzung ba'i lugs ni/ sngon sangs rgyas shAkya thub pa 'jig rten du ma byon pa'i gong du/ rgya gar gyi yul du rgyal po drang srong rgyas pa zhes bya ba la/ bu yul 'khor skyong dang skya bseng gnyis byung ba la yuul 'khor skyong la bu sgra ngan dang / 'thab dga' dang / rna ba can la sogs pa brgya tham pa byung ba la/ skya bseng la bu srid sgrub dang / g.yul ngor brtan pa dang /
(srid sgrub kyis kha lo ba rang nyid kyis byas te/ g.yul bkye bas 'thab dga'i rigs dpung gi rigs bco brgyad dang bcas pa brlag par gyur to/ /ru pa ti zhes byang ba'i rgyal po/ dpung gi tshogs shig dang bcas pas g.yul 'gyed pa'i tshe/ bud med kyi cha lugs byas nas bros te/ ri ka ba can gyi khrod du zhugs te/ gnas pa'i rigs de la bod ces grags pa yin no/ /slob dpon shes rab go chas gsungs so/ )
'jigs sde dang / ris med dang / lhar bcas dang lnga byung ngo / /yang mched po de dag ma 'chams te 'khrug pa chen po byas so/ /de'i tshe lha khyab 'jug chen pos srid sgrub kyi rogs byas te/ dgra ngan dpung tshogs bco brgyad dang bcas pa brlags par byas so/ /dmag rgyal po'i bu chung shos ru pa ti zhes bya ba'i rgyal po 'khor dang bcas pas/ srid sgrub kyi dmag gis 'jigs te/ bud med kyi chas su zhugs te/ rang gi jo bo bsad pa'i 'khor mi bya'o/ /zhes brjod nas ri gangs can gyi khrod du bros nas 'dug pas/ de'i rigs 'phel ba dang / bod yul kha ba can gyi mi zhes bya bar grags pa yin no/ zhes lha las phul du byung ba'i 'grel pa (slob dpon bde spyod bzang pos mdzad pa/ )
dang slob dpon shes rab go chas mdzad pa las bshad do/ /de nas mnga' ris stod mi rnams de las 'phel zer ba yod do/ /bod rnams ni 'phags pa spyan ras gzigs dbang phyug gi sprul pa spre'u byang chub sems dpa' las byung ba'i gtam rgyud ni 'di ltar bshad par bya ste/ bde ba can gyi zhing khams su mngon par rdzogs par sangs rgyas pa'i mgon po tshe dpag tu med pa 'dis 'jig rten khams mtha' yas pa nas/ sangs rgyas gzhan gyi zhing khams