yod/ rtsa ba na phag rgod mang po yod do/ /'dzam bu'i gling la dug gsum shas che ba'i rtags so/ /de nas byang du ne ba na ri 'bigs byed bya ba yod/ des shar nub tu bcad pa la glang po che sa srung gi rgyal khams yod/ de nas byang ngos su nye ba na/ ri brag bya rkang can bya ba yod/ de nas byang phyogs kha ba can na ri bo gangs can bya ba yod/ ri'i rgyal po de la ni sman sna tshogs skye ste/ de'i nang na sman don dang ldan pa bzhi yod/ gcig tu kha dog dang ro thams cad kyi gnas dang ldan zhes pa dang / gnyis su nad thams cad las thar bar byed pa dang / gsum du dug gsum thams cad thal bar byed pa/ bzhi ru gang 'dug pa der bde ba sbyin zhes bya'o/ /de nas kha ba can gyi ris shar nub tu bcad pa'i lho phyogs na rgya dkar po'i rgyal khams yod/ da'ei yul gyi dbus na ma ga dha rdo rje gdan byang chub kyi shing yod pa'i drung du/ rgyal ba shAkya thub mngon par rdzogs par sangs rgyas pa yin no/ /de nas 'bab chu mdzes ldan gyis shar nub tu bcad pa na/ lho na srin po'i rgyal khams yod/ tsan dan gyi ris shar nub tu bcad pa na lho phyogs rgya mtsho'i gling na ri bo po ta la yod/ de'i rtse mo na 'phags pa spyan ras gzigs dbang phyug bzhugs/ ri de'i sked pa na byang chub sems dpa' kun tu bzang po bzhugs/ ri de'ei rtsa ba na bcom ldan 'das sgrol ma'i bzhugs gnas yod de/ kha ba can gyi sems can 'dul ba'i don du nyin lan gsum mtshan lan gsum du gzigs kyang 'dul bar bya ba'i skabs ma rnyed de bod khams gsum gling dgu bya ba na rin po che 'od kyi gling dkar po/ stod khams gsum gangs dang g.ya'i ra ba rdzing 'dra ba na/ shwa ba dang dgo ba la sogs pa ri dwags kyis yul 'dzin te/ gdul ba'i yul ma rnyed/ ru bzhi sog kha'i gling skad pa/ bar khams gsum brag dang spang gi gshong yul 'dra ba na/ spre'u dang brag srin la sogs pa gnas/ rma bya 'od kyi gling skad pa smad khams gsum na nags kyi ljongs zhing dang 'dra ba na/ glang po che dang 'dab chags la sogs pa las/ 'gro ba mi bya ba gcig kyang med pas dngos su 'dul du ma btub pa rnams la sprul pa btang zhing don mdzad/ thugs ka nas 'od zer bkyes nas/ lcags kyi za ma tog kha bcad pa 'dra ba/ de kha phye nas de'i sems can dmyal ba pa rnams/ phyir mi ldog pa'i lam la 'god/ 'phags pa'i 'khor spre'u byang chub sems dpa' zhig la/ khyed kyis byang phyogs kha ba can du bsam gtan sgom nus sam dris pas/ spre'u na re/ ngas bsgom nus zer nas/ de la khrims lnga la sogs pa' sdom pa phog nas mi sdug pa'i sgom bslabs/ byams dang snying rje la blo sbyangs pa zhig btang ngo / /spre'u des kha ba can du phyin nas pad ma brtsegs pa'i brag rum bya ba'i phug tu/ bsam gtan sgom bzhin yod pa la/ nyin gcig brag srin mo gcig spre'u'i cha byad byas nas spre'u'i drung du 'ongs te 'dom bstan/ 'dod pa bsten pa'i brda byas/ sa gtor zhing song / zhag bdun gyi bar du de ltar byas kyang / spre'u mi sdug pa la sems mnyam par bzhag pas 'dod chags la sems g.yos par ma gyur to/ /brag srin mo'i bsam pa la/ nga'i kha dog mi sdug pa bzhin mi legs pas lan snyam nas nyi ma brgyad pa la des bud med mdzes pa rgyan thams cad kyis brgyan pa zhig tu byas te 'o cag gnyis khyim