thabs bya'o zer ro/ /spre'u 'phags pa bzang po'i dge bsnyen yin pas/ de ltar bya mi rung byas nas zo thang gong po ri la bros te byon no/ /da rung yang rjes su 'brangs te byung bas/ brag srin mo na re/ 'o na nga ni 'dod chags kyis gdungs pas zhe sdang skyes nas khyod la khros pas shi nas ngan song du skyes na sdug bsngal drag po myong bas de'i sdig pa khyod la yong / sdom pa bsrungs pas mi phan no/ /khyod sems can la phan 'dogs pa'i sems bskyed kyang nyams 'gro zer ro/ /de la spre'u snying rje drag po skyes te mo'i gdong du mig 'bur tshugs su zhag gsum gyi bar du bltas te 'dug pa las/ brag srin mos smras pa/ kye ho spre'u'i rgyal po bdag la dgongs shing gsan du gsol/ bdag ni las kyi dbang gis srin mor skyes gyur nas/ /'dod chags dbang gis khyed la zhen zhing gdungs/ /chags pa'i dbang gis khyod la skor zhing gsol/ /khyod ni bdag dang khyim thabs mi byed na/ /tha ma srin po dag dang 'grogs nas ni/ /nyi ma re re la srog chags khri khri gsod/ /na ma re la sems can stong stong za/ /srin mo'i phru gu dpag med skyes gyur nas/ /kha ba can gyi yul phyogs 'di nyid kyang / /srin po'i rgyal khams dag tu gyur kyang / /'dzam gling mi rnams srin pos za bar 'gyur/ /de bas bdag ni 'di ru 'chi bar bgyi/ /shi nas bdag ni las kyi dbang gis kyang / /bdag ni mi bzad dmyal ba'i gnas su lhung / /de bas bdag la dgongs shing thugs rjes bzung / /zhes pa'i gdung ba'i nga ros 'dir srog 'dor ro/ /zhes nas spre'u bsam pa dang / ji ltar bya ba ma shes nas/ ga re 'di dang khyim thabs byas nas bza' tshor song na ni/ nga'i sdom pa nyams 'gro bar 'dug ma byas na ni mo shi na de bas kyang nyes pa che ste/ sems bskyed kyi sdom pa nyams 'gro bar tshul 'di lta bu ni 'phags pa la zhu zhing 'dri bar bya'o snyam nas/ rdzu 'phrul gyi bden pa'i stobs kyis skad cig ma la phyin te phyag byas nas spre'u de chags pa med pa'i snying rje chen po skyes pas/ byams pa'i bsam pas kun nas bslangs pa'i gdung ba'-i tshig gis 'phags pa thugs rje chen po la gsol ba btab pa/ kye ma 'gro ba'i mgon po bla ma thugs rje can/ /bdag ni sdom brtson srog bzhin bsrung lags na/ /bdud kyi rigs kyi srin mo 'dod sems can/ /bdag la mato 'tsham sdom pa 'phrog tu byung / /de la ji ltar bgyis las sdom pa srung / /byams mgon khyed kyis bdag la bka' stsol bstan du gsol/ /zhes gsol ba drag tu btab ste/ 'phags pa bdag gis kha ba can gyi brag phug gcig tu sgom pa'i drung du brag srin mo zig 'ongs nas/ mo na re/ khyed dang khyim thabs bya'o zer/ de lta bu bya rung ngam mi rung zhes gtam rgyud du byung tshul zhib tu smras pas/ 'phags pa'i zhal nas/ khyed de dang khyim thabs gyis shig bar chad du mi 'gyur/ grogs su 'gro ba yin gyi/ de la rigs 'phel nas mthar chos byed pa'i rten du 'gyur ro zhes gsungs so/ /rje btsun sgrol ma'i zhal nas kyang chos kyi rten du 'gyur bas de bzhin du legs gsungs nas skad cig la kha ba can du 'ongs nas/ brag srin mo dang khyim thabs byas so/ /de nas zla ba dgu ngo dang bcu na/ rigs drug las tshe 'phos pa'i bu drug byung ste/ pha spre'u yin pas lus ba spus khengs pa/ mgo la skra yod pa ma brag srin mo yin