du grags so/ /de nas 'phags pas gnang ba'i gser khyor ba gang po de spre'u brag srin mo la gtad pas mo yis sa phyags nas gser 'dis bu tsha bo mi ngoms so snyam nas de skad mi snyoms so zer nas gser phye gnam la gtor bas gser rnams 'phel bar gyur nas gser la gser sding du grags/ gser khur brdol ba dang bu tsha bo thams cad zas nor 'dzoms te skyid pa dang / bu tsha bo gso yang ma dgos par sems khral med pas spre'u shel gyis phug par bsgoms so/ brag srin mos pad ma'i ljongs su bsgoms so/ /de rnams 'phags pa spyan ras gzigs kyis bod kha ba can du zang zing gis bsdus pa yin no/ /de nas chos kyis bsdus pa ni spyan ras gzigs kyi phyag g.yas pa'i mthil nas 'dod zer 'phros pas 'od zer gyi sna la khye'u mtshan dang ldan pa gcig sprul te kha ba can du byon pas spre phrug mi min spre'u min mjug ma ldum pa lus por ba spus khengs pa/ bod khams thams cad gang nas 'dug go/ /de rnams kyi gseb tu byon pas de rnams kyis smras pa/ khyed lus legs pa 'di lta bu ci las byung zer bas/ nga yis mi dge ba bcu spangs te dge ba bcu dang pha rol tu phyin pa drug spyad pas byung byas pas/ 'o na khyed kyis de nged la yang slob dang zer nas de nas sprul pa'i khye'u des mi dge ba bcu spong zhing dge bcu spyod pa'i chos dang pha rol tu phyin pa drug spyod pa'i chos bstan gyi nyon cig sungs pa/ khyod rnams sems can gyi srog ma gcod/ shing tog dang 'bru zo zhig ma sbyin par ma len zhig gcig gis gcig gi zas skal ma rku zhig gcig dang gcig za mi byas nas bza' bdag tu bzung ba la 'dod pa log par ma spyod cig rdzun mi bden pa ma smra zhig gcig la gcig gis g.yo dang phra ma ma byed mthun par mdzod cig/ tshig rtsub po gcig la gcig gis ma smra zhig ngag 'khyal ba gzhan mi dga' bas ma smra zhig gzhan la med na dga' ba rang la yod na dga' ba'i bsam pa ma sems shig brnab sems su ma byed cig gzhan la gnod pa'i sems ma skyed cig mi dge ba bcu spangs pas dge bcur 'gro ba yin pas mi bden snyam pa'i log par lta ba ma byed cig srog gcod spangs nas srog skyob byas pas tshe ring bar 'gyur ro/ /rku ba spangs nas gzhan la sbyin pa btang bas zas skom dang longs spyod 'phel ba yin no/ /gzhan gyi chung ma la mi tshangs par ma spyad pas grogs snying du sdug pa yid du 'ong ba rnyed par 'gyur ro/ /rdzun ma smras pa bden par smras pas tshig brtan pa dang gzhan yid ches par 'gyur ro/ /phra ma ma bcug par mthun par bsdums pas kun dang mthun par 'gyur ro/ /tshig rtsub ma smras pas gang smras pa nyan par 'gyur ro/ /ngag 'khyal bar ma smras par bden par gsong por smras pas thams cad yid ches par 'gyur ro/ /brnab sems ma byas par rang gi zas nor gyis chog shes par byas pas zas nor gang yang rnyed par 'gyur ro/ /log lta ma byas par chos la yid ches par byas pas chos dang 'phrad par 'gyur ro/ /mi dge ba bcu spangs nas dge ba bcu spyad pas rang gi gzugs byad phun sum tshogs pa thob par 'gyur ro/ /lha dang mir skye ba thob par 'gyur ro/ /khyod rnams mi dge ba bcu spongs/ dge ba bcu spyod cig ces smras pas de dag gis kyang go zhing gong bzhin dge ba bcu la spyad pas gzugs byad je bzang je bzang la song nas mi lus bzang por