nga la mi mos pa dang the tshom ma byed cig sdug bsngal du ma sems shig de rnams nga'i gdul byar gyur gyi/ khyod la nyes pa gtan nas med kyi thar pa'i cha dang mthun no/ /khyod kyi rigs rgyud de rnams ni rigs gnyis su 'gyur te/ pha'i rigs su gyur pa de dag ni dad pa che ba/ shes rab che ba/ snying rje dang brtson 'grus yod pa/ thabs mkhas pas chos zab mo stong pa nyid la lhag par mos pa'o/ /dge ba'i rtsa ba rgya chung bas mi ngom pas blo rgya che la dga'/ mig thad kar lta bar mi shes par phar rig tshur cig byed pa/ lag pa bya byed mang zhing 'dug mi tshugs par shing la sogs pa la tug tug byed pa byang chub sems dpa' blo chen zhes bya ba'i rigs su gyur pa'o/ /de rnams legs par skyongs shig ma'i rigs su gyur pa de dag ni sha dmar po dang khrag dmar mo la dga' ba/ zhe sdang che zhing khong khro la gtum pa/ snying rje chung ba/ tshong dang khe sbogs la dga' ba/ zas nor la mig phra ba/ ku co chen po dang / gad rgyangs che ba/ ngo leb gsar 'grogs che ba/ mdza' bo la bdag gir sems pa/ mig ser che ba/ gzhan gyi skyon thos pa la dga' bas shi nas ngan song 'gro ba/ gdol pa sha zan gyi rigs su gyur te de rnams kyis mtha'i rgyal khams 'dul bar 'gyur bas de rnams gso zhing skyongs shig khyod kyi bu tsha rnams kyi zas skal 'di la gyis shig ces gsungs nas/ nas dang / gro dang / so ba dang / sran ma dang / yungs dkar rnams spre'u la gnang ngo / /de nas spre'u kha ba can du chas pa dang 'phags pas spre'u khyim thabs byas pa'i bya dga' ru/ gser khyor pa gang gnang nas kha ba can gyi rgyal khams su gtor nas byin gyis brlabs te ka ba can du dus dus su rin po che gser dang dngul dang zangs dang lcags kyi gter kha bye bar 'gyur ro/ /ljags kyi mchil ma zhig gtor nas bod yul du dus dus su byang chub sems dpa' thod rgal re byon pa dang / yul phyogs gzhan gyi gter longs spyod ngo mtshar ba thams cad bod du 'byung ba dang / phyogs mtshams kyi las sgo rnams bye ba dang / 'tsho ba dang zang zing gi longs spyod thams cad rang bzhin du 'byung bar byin gyis brlabs so/ /khyod kyi bu tsha bo tso rin po che gser gyis 'tsho bar 'gyur ro/ /ston pa'i ring bsrel la mchod pa byed pa la rgyas par 'gyur ba yin zhes gsungs so/ /de nas byang chub sems dpa' spre'u rdzu 'phrul gyis 'ongs nas bod kha ba can gyi dbus phyogs shin tu nyams dga' ba bkra shis la byin chags pa'i sa gzhi gshin la 'bras bu thams cad smin pa/ yul dbus bzhed pa sna dgu tshang ba/ rang bzhin gyis yon tan thams cad 'byung ba/ kha ba can gyi snying po lta bur gyur pa yul yar klung sog khar 'phags pas gnang ba'i 'bru sna thams cad btab pas dbyar lho phyogs tsan thang gi nags ma bya tshogs can du bu dang tsha bo rnams bskyangs so/ /ser kha zo thang zar ru 'bru sna btab pa'i sar khrid nas phyin pa dang 'bru thams cad kha sha re smin nas 'dug go/ /de rnams bu tsha bo rnams la bstan nas 'di khyed rnams kyi zas skal du 'phags pas gnang ba yin no/ /'di rnams zo dang smras pas yul la snga ba yar lung zo dang bya ba yin no/ /de nas spre'u phrug bzhi brgya po de rnams dga' che ste 'di la ltos las zo dang zer te mu ge yar bas yar klung