po sa thams cad la dbang ba yin zer/ ming yang gnya' khri btsan po bya bar grags so/ /sangs rgyas shAkya thub pa mya ngan las 'das nas mi lo stong lhag na byon te/ bod kyi rgyal po la snga ba rje gnya' khri btsan po yin te/ de'i sku ring la/ gtam rgyud dang / sgrung rgyud dang / sdeb sbyor dang / bka'i kugs dang / bro gar dang / glu gzhas dang / shon rtsed dang / rtsed 'jo la sogs pa byung ba yin no/ /rgyal po'i rim gro pa ni/ bon po co na gshen gyi phyag gar tsha dang / 'tshe mi gshen bu rgyal tsha gnyis kyis sku bsrungs so/ /de'i sras ding khri btsan po/ de'i dus su zhang zhung gi gshen po kun 'dus theg chen gyi sku bsrungs so/ /de'i sras mu khri btsan po/ bon po gshen po tshe rgyal gyis sku bsrungs so/ /de'i sras sribs btsan po/ zhang zhung gshen po kun rigs rgyal pos sku bsrungs so/ /de'i sras ye shes khri po/ bon po g.yung drung rgyal pos sku bsrungs so/ /de'i sras gnya' khri btsan po/ bon po kun rtogs rgyal po yis sku bsrungs so/ /de'i sras khri pan btsan po/ bon po mu la kha 'bras kyis sku bsrungs so/ /de'i sras sribs khri btsan po/ bon po zhang zhung lha 'do kyis sku bsrungs so/ /de yan chod brlabs pa ma yin te/ gnam bon dang gshed lha 'dres bstan pa yin skad/ btsan po de bdun la gnam gyi khri bdun zer ba yin no/ /de rnams kyi dbu la lha thag yod pa yin pas sras rgyal sar tshud pa dang chibs khar byon tsa na/ yab 'od kyi nam mkha' la sku 'ja' tshon bzhin yal bar gyur/ /de nas sribs khri'i sras gnam phru bo gzhung btsan lha'i sku ring la gnam gyi rdor bon byung ste u rgyan gyi tshu rol/ kha che'i yul gyi pha rol stag gzig gi bar na yul 'gyur snang bar snang bya ba ru sa zha'i bon po/ mu stegs nyi tshe ba'i ston pa/ stong pa don dam du 'dod pa dang lta ba mthun pa gcig byung / des 'jig rten pa'i lha 'dre kun gyi srog snying nas 'dren nus pa/ mi dang lha srin du dmangs sdum shes pas kun rdzob tu thams cad sgo nga las skyes par 'dod pas snga rtags dang / phyi rtags dang / da lta ji ltar yin pa rnams thol thol du smra shes pa/ lto khu lto nag bya ba gcig lhu dang rdums du 'brel pa/ nam mkha' la lheb lheb phur nus pa/ lag cha ni skya mo khugs su bcug lpags pa ni rla bzhi 'phreng du bkug nas phub pa ming du phyed lnga zer/ yas rtags ni shing dang rus pa la sngon dmar gyi ri mo bris/ gzugs brnyan ni khams sa la byed/ nam mkha' dang rgyang pu ni btsugs/ gson gyi lha bon byed zer nas g.ya' ri dang gangs ri'i lha 'dre la zhung shang / srab shang / gser skyems kyis mchod/ gshin dur byed zer nas mi shi ba la go gnon dang / skyid kyi lha lug dang / rta rgod ma gsod/ mi na ba'i glud du nges pa med zer nas ra lug dang / bya phag dang / yas thag gtong zer nas srog chags gsod/ yang na 'thom stong zhing 'gal dum dang 'dre yas skyur ba/ a ya chab nag bya ba gcig byung / de rgyal pos spyan drangs nas chab nag srid pa rgyud kyi bon bya ba gcig byung / bod yul du gyer bon la snga ba de yin no/ /de ston pa'i bka' ni ma yin skad/ res dge ba tsug byed/ res mi dge ba tsug byed/ bzhugs ma rung ste rgyal po pos ral gri glang byas so bya ba klad la bskor bas 'od kyi lha