lha gar ma zhes bya'o/ /de nas yang lha ri'i kha nas phya'i rgan mos lhas spyon lan gsum byas pas gnam rim pa bcu gsum gyi kha nas gnya' khri btsan po byon pa yin zer/ /bon po la la na re sems can yid smon byas pa las gnam nas lha'i lha bzang ste bar pa bdun tshigs/ rje yab lha brdal drug sras rgyal bu mthing ge byung / de'i sras smon pa btsan/ de'i sras smon mi dbu dkar/ dbu nag de'i sras stag dgu/ gzig dbu/ de'i sras gnya' khri btsan po/ de'i sras khri rtse 'bum bzher/ de'i sras lha tho ri byon zer te de rnams thams cad ma yin no/ /'o na gang ltar yin zhe na/ rgyal po srong btsan sgam po'i zhal nas 'di ni rgya gar gyi bad sa la'i rgyal po 'char byed la/ sras rgyal po shar ba'o/ /de la sras gnyis byung ba'i nu bo'i rgyud la/ btsun mo dam pa la sras shig btsas te/ phu bo mig bya mig ltar mas kyis yar 'gebs pa/ dpral ba'i dbyes che ba/ g.yu yi smin ma yod pa/ sna'i gzengs legs pa/ so dung so 'khor ba yod pa/ lag pa'i sor mo ngang pa ltar gsol bas/ de ltas ngan zhig 'dug pas gsod cig par gnang ngo / /de la blon po rnams kyis mtshon gyis 'debs par ma phod par/ zangs kha sbyar du bcug nas shing sgrom byas te nor skal dang bcas pa chu bo gang gA la bskyur btang ngo / /de grong khyer yangs pa can gyi chu kha nas zhing pas rnyed de/ de nags khrod du gsos pas de mkhar gyi rgyal po yin pas/ ri dwags thams cad kyis rtsed zla byas/ gcan gzan thams cad kyis zas bskyal/ der me tog thams cad kyis kha bstan no/ /de la rgyal bu na re/ 'khor ngan pa ji ltar yin/ nga'i pha su yin zer ba dang / khyed phas ltas ngan du byas nas gsod zer/ blon po rnams kyis ma bsad par chur bor ba yin pas nged rnams kyis rnyed pa'i gtam rgyud bshad pas/ yid ma dga' nas gangs kyi sprags du dbrag tu bros pas/ byang phyogs thams cad kyi ri/ lha ri gyang mtho'i khar byung / de nas bltas pas kha ba can gyi rgyal khams kyi dbus na yul yar mo sna bzhi/ lha yar lha sham po mthong nas/ bsod nams 'od kyis dmu skas la babs te/ lha ri yol ba'i rol po'i khar byon no/ /de nas btsan thang sgo bzhir byon pas/ de'i dus su bod 'dir spre'u'i rgyud rnams bdud dang / gnod sbyin la sogs pa mnga' mdad rim pa bdun gyi tha ma la/ rgyal sil bu'am bcu gnyis rgyal phran mo ngan la sogs pas dbang byas nas/ gcig zer la gcig mi nyan te/ ma 'chams pas dbangs rnams mnar nas brdungs gdungs pa la/ 'gam lha'i sras/ dmu bon po dang / co la bon po dang / zhang zhung bon po dang / 'tshe mi bon po dang / ze ba bon po dang / zings pa bon po dang / shes pa mkhan bcu gnyis phyugs skyong ba'i sar byon pa dang / de dag gis mthar sgam gyis khye'u su yin byas pas/ btsan po yin zer/ gang nas 'ongs dris pas/ mdzub mo gnam du bsgrengs/ de'i rgya gar gyi skad pa ra pi ra ma go nas/ 'di ni gnam nas byon pa'i lha/ mi rje ngo mtshar can zhig 'dug pas 'di khyim gyi mi rnams la ston no zer te/ shing la khri byas mi'i gnya' ba la khur nas grong khyer gyi mi rnams la bstan pas/ 'di ni gnam las byon pa'i btsan po ngo mtshar can zhig 'dug pas/ 'o cag rnams kyi jo bo bya'o zer te/ bon po rnams na re/ gnam gung nas sa dog po la snyegs pa'i rgyal