'od zer gyis kha zum nas 'ong ba yin la/ go shirSha ni zla ba'i 'od zer gyis kha phye ba 'di ji ltar yin/ de tsan dan go shirSha ni shin tu tu bsil bas/ zla ba'i 'od zer de'i grogs su gyur bas zla ba'i 'od zer shar bas kha bye ba yin no/ /de nas go shirSha sdong po bcad pa'i rtsa ba'i cha las/ mchod sdong gcig sgrub pa dang / shing tshal pa gcig dge slong gis phyag tshags mdzad do/ /gzhan rnams rgyal po ud man ta ke sa ra la byin pas/ der rgyal pos go shirSha'i sku brgya brtsa brgyad bzhengs nas/ sngar gyi gtsug lag khang bzhengs pa der bzhugs su gsol lo/ /gzhan phyi rol pa'i lugs rnams dor/ yab mes kyi chos lugs dang po sangs rgyas pa'i chos la gus par byas pa nas bzung ste/ nang pa sangs rgyas par gyur to/ /gzhan yang sprul pa'i dge slong gis/ rgyal po ud man ta ke sa ra'i rgyal khams su rta pa'i nyin lam bcu gsum gyi khor yug tu/ sems can thams cad rnal 'byor chen po'i rgyud du dbang bskur nas/ dpag par dka' ba'i don zam mo thams cad dar zhing rgyas par mdzad do/ /de nas sprul pa'i dge slong gis mchod rten pad ma'i 'khor lo'i bum pa'i nang byon nas/ sangs rgyas 'khor ba 'jig dang / sangs rgyas 'od srungs dang / shAkya thub pa dang gsum gyis gdung ring bsrel bre re re gser gyi bang ba mig gsum yod pa la/ rgya rim bdun gyis btab nas bzhag go/ /de nas rten de rnams spyan drangs nas byon tsa na/ rgya gar yul dbus su byon pa'i tshe/ ma ga dha rdo rje gdan gyi byang chub kyi shing drung du rgyal po'i lha lcam mang po lag pa sbrel nas shon rtse/ glu len gar byed pa la/ mi la la na re rgyal rigs kyi bu mo yin zer/ la la na re dmangs rje rigs kyi bu mo yin zer/ la la na re bram ze'i bu mo yin zer/ la la na re dmangs rigs kyi rgyud yin zer khong cag ma mgu ste/ nged dmangs rigs kyi bu mo a ang zer nas lag sbrel ba btang ste/ bu mo gcig gis byang chub kyi shing la phyang mo yug byas pas/ shing gi yal ga gcig chag nas de sprul pa'i dge slong la phul lo/ /sprul pa'i dge slong gis shing de'i rtsa ba la mchod rten gsum srub pa'i bum pa'i nang du/ de bzhin gshegs pa gsum gyi gdung dang ring bsrel gyi snying po der bcug go/ /de nas gnas chen po brgyad du byon nas byang chub kyi snying po spyan drangs/ rgya mtsho'i gling gi 'jag ma la lha mang po rin po che'i lcug ma'i kha na 'dug pa gzigs te/ 'jag ma phon po gcig kyang bsnams/ chu bo nairanya?dzana'i bye ma yang skad gcig la blangs te/ de ltar yul bcu gsum nas rdzas ngo mtshar can lnga ste/ byang chub kyi shing gi mchod rten/ gnas chen po brgyad nas byang chub kyi sa/ chu bo nairanya?dzana'i bye na/
(tsan dan go shirSha/ )
rgya mtsho'i 'jag ma'o/ /rgya gar lho phyogs nas rdzas ngo mtshar can lnga ste/ de bzhin gshegs pa gsum gyi gdung dang / ring bsrel dang / tsan dan sbrul gyi snying po'o/ /de ltar rdzas ngo mtshar can bcu po de rnams bsnams byon nas/ sbra stod tshal na rgyal po srong btsan sgam po bzhugs pa'i drung du/ sprul pa'i dge slong gis/ tsan dan sbrul gyi snying po'i sku de tsan dan go shirSha'i mchod sdong gi steng du bzhugs su gsol/ de'i mdun na phar byang chub shing gi mchod rten/ bde bar gshegs