ba dang / rig 'dzin mang pos yar gyis tshes brgyad dang / mar gyi tshes brgyad la lha'i bdud rtsi'i chu rgyun 'bebs pa la mkha' 'gro ma rnams hab tob byed pa/ der mkha' 'gro ma gcig gis bdud rtsa ma thob gyis dogs nas/ gcer bur byas mtshan ma gdangs nas phyin nas/ dpag bsam shing la snyim pa bzed pa las/ gzhan rnams gad mo shor bas/ mo skyengs nas bred stabs su song bas/ bdud rtsi snyim pa gang 'thung / gang 'khyer la bros bsams pa las/ stabs te bo bas/ tsan dan sbrul gyi snying po'i sgang bu'i nang du song bas/ slad nas myu gu brdol te/ sdong po chen por gyur pa'i gtan tshigs de yin no/ /der tsan dan sbrul gyi snying po/ jo bo rang byon pa'i shing la bu ga phra mo nas/ shing dal bus chos bya ba lan gsum byung ba de nas/ 'od zer kha dog sna lnga byung nas/ 'jig rten gyi khams 'od des snang bar byas shing / slar shing de la skor ba lan gsum byas nas bu ga de nyid du thim par gyur to/ /rang byung tsan dan gyi sku de/ rtsa ba'i zhal gsum zhi ba/
(de'i steng khro bo'i zhal gsum bzhad pa/ )
de'i steng na khro zhal gnyis brtsegs gtsigs pa/ de'i steng na zhal gnyis bzhad pa/ de'i steng na a mi de ba'i zhal bzhugs pa phyag bcu pa ste/ rtsa ba'i phyag gnyis thugs khar thal mo sbyar ba/ de'i 'og ma g.yas na pad ma dkar po bsnams pa/ de'i 'og ma na 'khor lo bsnams pa/ de'i 'og ma na mda' bsnams pa/ de'i 'og ma sa gnon mdzad pa'o/ /g.yon gnyis pa na bgrang 'phreng 'dzin pa/ gsum pa na ril ba spyi blug 'dzin pa/ gzhi pa na gzhu/ tha ma na yid bzhin nor bu rin po che 'dzin pa'o/ /de yang glang po che rnams tshad pas gdung ba'i tshe/ rgya mtsho che bags gyis gzhol ba la brgal te/ 'og nas 'ong ba'i tshe/ glang po che mche ba drug pa de la mngon shes cung zad yod pas/ 'du shes rnams kyi nang nas 'chi ba mi rtag pa sgom pa yin/ glang phrug rnams khrid nas 'ongs te/ glang po che de tsan dan sbrul gyi snying po'i steng du nyal du 'ongs pas/ de la yon tan brgyad yod pa ni/ 'jigs pa brgyad sel te/ chu'i sbugs su tshud nas phyir log mi shes pa'i 'jigs pa dang / sa'i sbugs su tshud nas 'chi ba dang / nags la me shor nas 'chi ba dang / gnam lcags lhung ba dang / yams nad drag po dang / seng ge dang / sa g.yo ba dang / mi rgod kyi 'jigs pa dang brgyad do/ tsan dan sbrul gyi snying po'i sku rang byon ban 'du'i me tog ltar dkar ba de byon pas/ dge slong shin tu dgyes nas gus pa'i phyag bgyis/ phyag tu blangs nas tsan dan sbrul gyi snying po'i sku rang byon la ban 'du'i me tog ltar dkar ba de snying po'i tshal pa gcig gi steng du bzhugs so/ /shing gzhan rnams rgyal po la byin no/ /rgyal pos lha khang brgya rtsa brgyad bzhengs pa'i nang du/ tsan dan sbrul gyi snying po'i sku re bzhengs nas bzhugs so/ /de nas rgyal po dpung gi tshogs yan lag bzhi dang bcas pa dge slong gi zhabs tog byas nas ri bo po ta lar byon te/ tshes bco lnga'i zla ba'i 'od zer dang po phog pas/ shug pa'i sdong po zhig la me tog dmar phung ste byung ba mthong ba de la/ dge slong gi zhal nas/ tsan dan ga shirSha ni 'di yin gsungs pas/ 'o na me tog thams cad nyi ma'i 'od zer gyis kha bye 'ong / zla ba'i