pa gsum gyi gdung ring bsrel gyi snying po can gsum bzhugs su bcug nas phul/ rdza khyad par can gzhan rnams kyang rim gyis phul bas/ rgyal po'i thugs dgongs la da ni yi dam gyi lha dang mjal bas sems can gyi don bya ba la tshegs med par dgongs nas thugs dges shing dang bar gyur to/ /de nas rgyal po srong btsan sgam pos tsan dan sbrul gyi snying po'i sku dang / mchod sdong de gar bzhugs su gsol nas bu mo na chung ma mtshan dang ldan pa bzhis mchod pa rgyun mi chad par byed du bcug go/ /rgyal po de nyid dang skad cig kyang mi 'bral ba mdzad do/ /de nas rgyal po'i thugs dgongs la/ yi dam gyi lha spyan drangs nas kha ba can gyi yul du skyes pa'i sems can la theg pa chen po'i chos 'byung bas/ sa phyogs gang nas sems can gyi don 'byung bya snyam nas sman lha'i thugs kha nas/ byang chub sems dpa' kun tu bzang po'i sprul pa lha tho tho ri'i snyan shal yin gyi/ de'i zhabs kyis bcags pa dmar po ri pha mes kyi ri shul du 'gro dgos pa bstan/ jo bo thugs rje chen po'i mchod sdong spyan drangs/ snon gyi sbra stod tshal nas yab rgyal po'i re'u shal yod par dgung mnal/ sang nangs par gro btegs nas yar phrang gi brag bya khyung gi gshog pa 'dra bar sbra dang khal phog rta dang dre'u dang rnga mo rnams rtsa la btang / gro btab/ rgyal po dang blon po sna chen pos chu khar khrus chab gsol du byon pa dang / chu'i nang 'od zer khra shig ge 'dug pa gzigs pas/ der blon pos dris pa/ rgyal po chen po chab nang na 'od zer gda' ba ci lags/ bka' bstsal pa/ gzhan yang 'di'i sprul pa byang chub sems dpa' khyad par can re 'byung bar 'gyur ro/ /sku gsung thugs kyi rten rang byung yang 'byung bar 'gyur ro/ /ngas sngon sangs rgyas 'od dpag med kyi drung du khas blangs/ sangs rgyas des kyang kha ba can gyi sems can gyi byed do zhes gsungs so/ /de nas dmar po ri'i rtse la pha mes kyi ri'u shal la pho brang zhig brtsigs nas bzhugs so/ /rgyal pos mchod sdong dang tsan dan sbrul gyi snying po'i sku rang byon dang dasu skad cig kyang mi 'bral bar bzhugs so/ /rgya gar yul du 'phags pa spyan ras gzigs kyi sku dang gsung dang thugs rang byung du byon pa rnams sprul pa'i rgyal pos gsan nas/ de rnams spyan drangs par dgongs te/ dang po rgya gar gyi lho phyogs grong khyer skyid pa'i 'byung gnas bya ba na bram ze dga' ba'i rtsal bya ba dang / bram ze mo bde skyid gnyis la/ bu bram ze mang rab dang / bu mo bram ze mo bde ba lcam bya ba mtshan dang dpe byad ldan pa bzang sdug la 'od chags pa zhig yod pa las/ brag dmar bya skyibs can bya ba'i rtsar mdzo mo dkar mo gcig 'tsho zhing bsdan pas char pa byung nas brag bya skyibs su char yib byas pas/ bu mo gnyid du song ba'i rmi lam du thugs rje chen po 'phags pa spyan ras gzigs kyi sprul pa khre'u dar dkar gyi gos gyon pa/ shel gyi 'phreng ba khyer ba mdzes shing lta na sdug pa zhig byung nas bu mo la khyed dang khyim thabs bya'o zer nas 'khrig pa spyod pa rmis pas bu mo'i lus thams cad bde bas khyab nas 'dug gnyid sad pa dang nga la khyo de 'dra zhig yod na dga' ba la snyam pa zhig byung ngo / /bu mo de'i lus la srid pa zhugs te 'gul ba dang 'phrig pa