R1215: lam rim 'bring po/ par rnying / mjug byang / {bod yig glog rdul dpe cha/}

  • Pagination (Witness B): 135a
[B:135a][A:6][...] Carving Colophon, f. 135a swasti/ rgyal ba'i rgyal tshab rje btsun mkhyen brtse'i gter// mnyam med 'gro ba'i mi[ga] gcig tsong kha pa// de yi rlabs chen spyod pa'i rgya mtsho las// rmad byung mngon par rtogs pa'i yid bzhin nor// gsung rab kun gyi snying po legs bsdus pa// 'gro ba'i re skong byang chub lam rim 'di// sngon med spar du legs par grub pa'i sa// rdo rje gdan mtshungs lha sa'i byang gi phyogs// tshangs chen gnas mtshungs bkra shis sben tsa 'dir// sngon bsags dpal gyis mtho ba'i dpon 'dir ba// yab yum dad pas gzhi rten legs par bsgrubs// gzhan phan khur khyer bla ma 'jam nya[ga] gis// 'byor ldan kun la dad 'bul bskul te brdzangs// legs par sgrub pa'i do dam yon tan 'od//[A:7] skyes bu 'bring gi bdag rkyen dge bsam dang// skyes bu chung ngu'i sbyin bdag dpon nam yin// dam chos 'di'i phyir sgo gsum re res kyang// 'thun pa'i rkyen la 'bad pa gang bgyis pa// de dag kun kyang rgyal ba'i dam chos kun// rgyal ba'i dgongs pa ji bzhin 'dzin gyur cig// 'thun rkyen sbyor ba'i sbyin bdag chen po rnams// gan[sa] skabs bzhed don chos bzhin 'grub pa dang// mthar thug sangs rgyas go 'phang myur thob ste// 'gro kun sangs rgyas sa ru 'dren par shog// gzhan yang rgyal ba 'od dpag med// 'khor dang bcas pa mthong ba dang// yid la dga' ba rgyas bzhin du// bde ba can du skye bar shog// byang chub lam gyi rim pa'i gsung rab la// legs tshogs ji snyed mchis pa'i bkra shis shog//