[A:236]// // oMswastisidham// dpal ldan bla ma dge sbyong chen po'i rnam par thar pa dang gus sgron ma zhes bya ba/ dpal ldan bla ma dam pa'i zhabs la gus pas phyag 'tshal lo// rgyal brnams kyi gsung gi bcud// bla ma rnams kyi gdams pa yis// rang gzhan rnams kyi don grub pa// dam pa rnams la phyag 'tshal nas// thar lam dam pa bsgrub pa'i tshul// thar lam 'don gnyer gyis bskul phyir/ thar lam rdo rje theg mchog la// bde gshegs rnam thar mdor bsdus brjod// bdag cag rnams kyi 'dren pa dam pa dge spyong kun dga' rgyal zhes mtshan rgya cher grags pa de nyid kyi/ sku tshe snga ma la tshogs gnyis rgya cher rdzogs shing / sgrib gnyis phal cher dag par mdzad pa'i phyir/ gzugs sku 'di nyid kyis mchog gi dngos grub la gshegs pa'i tshul/ de yang sku 'khrungs pa'i tshul ni/ 'khams kyi dbyar mo thang gi pa'i cha/ shing kun she chen gyi bya 'dabs su 'khrungs so/ gzhon nu mthong na dga' zhing yid du 'ong ba de/ sku zhang dpon don grub dpal gyis blangs nas/ bla ma 'gro ba'i mgon po chos kyi rgyal po rin po che'i drung du phul te/ slob dpon 'byung gnas kyi mgo gnyer mdzad nas/ bla ma'i dung du bzhag pas/ thugs shin tu bkra zhing kun spyod mdzes la/ bya ba la btson pas mnyes nas/ dam kha'i