[A:18]bho Ta/
stod lung ram pa ba
mgar stong btsan/'bri gung pa
'bri se ru gong ston/nyang ser ba
nyang khri bzang rnams yin/ thon mi rgya gar du brdzangs pa bram ze li byin dang paNDi ta lha rigs pa'i seng ge las yi ge dang sgra'i bstan bcos bcas bslabs/ bod du byon te rgya yig lnga bcu bod yig sum cur gtan la phab/ rgyal po la yi ge phul zhing blon po rnams la'ang bslabs/ mdo sde dkon mchog sprin bsgyur ba dang /
thon mis mdo rdzi'i sgra mdo la sogs pa rtsom pa mang du mdzad pas/ bod la bka' drin shin tu che/ nyid kyi zhal nas kyang / yul mtha' khob bod kyi rgyal khams 'dir/ /mi mkhas pa slebs pa'i snga ma yin/ /nga mun pa sel ba'i sgron me yin/ /rje rgyal po nyi zla'i tshul du bzhugs/ /[B:19]
grogs blon po'i khrod na nga tsam med / /bod kha ba can pa'i mi rnams la/ /
nga thon mi drin du mi che 'am/ /gsungs te thugs mad do/ /rgyal pos dgung lo bcu drug bzhes pa na na blon po rnams mngags te/ bal po'i rgyal po 'od zer go cha'i sras mo khri btsun btsun mo bkug pa'i skal rdzongs su/
jo bo mi bskyod rdo rje/ byams pa chos 'khor/ tsan dan sgrol ma/ bai DUrya'i lhung bzed rnams byung ste/ bod du sangs rgyas kyi bstan pa 'byung ba'i rten 'brel gyi mgo tshugs par snang / da gung lo bco brgyad bzhes pa na/ mgar la sogs pa'i blon po rta pa brgya tham pa mngags te/ rgya nag gi rgyal po seng ge btsan po'i sras mo lha gcig 'un shing kong jo slong du btang ba pho [B:19a]brang zim shing du slebs pa'i tshe/ rgyal pos bskur ba'i skyes rnams phul te/ lha gcig gnang dgos pa'i rgyu mtshan zhus pa na/ rgya nag