[A:24]ma dag par go sla'o/ /rgyal po sku nar son pa na chos blon 'gos khri bzang dang / zhang nyams bzang sogs dang gros mthun nas chos bya bar gleng pa'i tshe nyams bzang na re/ blon po gzhan gnyis dbang btsan pas mi 'grub zer/ 'gos na re 'grub pa'i thabs yod kyi kho bo'i rting gnon mdzod cig zer/ de ga bzhin g.yo sgyu'i 'phrul gyis ma zhang gson por dur
stod lung pa
du bcug stag ra byang phyogs la spyugs/ thog mar jo bo mang yul nas spyan drangs te lha sar bzhugs/ sba [B:25a]gsal snang mang mngags/ slob dpon zhi ba mtsho spyan drangs pa sngon la lha sar phebs shing / rjes nas bsam yas su phebs pa btsan pos gus pa'i phyag dang bsu ba mdzad/ mkhan pos dge ba bcu dang rten 'brel bcu gnyis las brtsams pa'i chos mang du gsungs pas bod kyi lha srin rnams ma dga' ste/ dmar po ri la thog rten pa dang / 'phang thang yar klungs
chus 'khyer ba sogs cho 'phrul sna tshogs bstan pa nyid mkhan pos dgongs nas/ re zhig bal por byon/ slob dpon padma saM bha wa spyan 'dren pa'i zhal bkod mdzad pa bzhin spyan drangs te/ bod kyi lha klu thams cad dam la btags/ mkhan po'ang slar spyan drangs nas rgyal po [B:26]dgung lo nyi shu rtsa gnyis pa sa mo yos kyi lo la/ dpal bsam yas mi 'gyur lhun gyis grub pa'i gtsug lag khang gi rmang bting ste/
lcags mo yos la rdzogs par grub/ rab gnas gtso bo mkhan po byang chub sems dpa' dang / slob da pon padmas mdzad dha rma kirti yang yin 'dug
shing mo lug la mkhan po'i drung du sad mi mi bdun sogs rab tu byung / me long mar gtsug lag khang bzhengs pa'i gong du mi bdun rab