[A:29]po chos la shin tu dgyes pa sdig blon rnams kyis ma theg nas chos khrims bshig par gros bsdur ba na rgyal po ma bkrongs na chos khrims 'jig mi thub pa la kha 'cham/ la la na re/ rgyal po bkrongs kyang lha sras gtsang ma dang blon chen po gnyis chos la dga' che bas 'jig mi thub zer ba bzhin thog mar lha sras spa gro mon la bcugs spyugs /[B:31]chos blon chen po btsun mo dang lhan cig tu 'dus so zhes phra ma byas nas nyes med la bkrongs shing /
btsun mo'ang de'i mod la lcebs/ de rjes rgyal po dgung lo so drug pa lcags bya'i lor sbas stag sna can dang / co ro lha long gnyis kyis zhal ltag par bskor nas bkrongs/
pho brang nyam par
de nas bzung ste bod khams kyi bsod nams ni snum zad kyi mar me bzhin zad/ dge ba bcu'i rgyal khrims ni sog rul gyi phon thag bzhin zhig nag phyogs kyi spyod pa ni yul ngan gyi rlung 'tshub bzhin langs nas lo paN dang mchod gnas rnams la zhabs tog med par so so'i yul la bzhugs par gyur to/ /
lcags bya 'di la sdig blon rnams kyi 'dod pa bzhin gcen khri dar ma 'u dum btsan lo [B:31a]so dgu pa zhig rgyal sar bton lo lnga srid bzung
nas the'u rang dbas rgyal to re nang blon du bskos/ me long mar dar ma sa mo glang la 'khrungs par gsungs pas ral pa can gyi gcung du mdzad de/ chos 'byung gzhan du yang lugs 'di bzhin byed pa yod/ de nas btsan po'i thugs la gdon gsol las ngan mngon du gyur
thabs du ma'i sgo nas bstan pa'i rtsa ba so so thar pa'i rten rab tu byung ba'i rtags tsam yang med par byas te/ sangs rgyas kyi bstan pa rin po che rmang nas bsnubs/ 'di