[A:49]gnyis pa rje btsun bsod nams rtse mo
'dis gdan sa mdzad pa 'dra
chu khyi lor 'khrungs/ bzhi bcu rtsa gcig pa chu stag lor gshegs/
gsum pa rje btsun grags pa [B:49a]rgyal mtshan me yos lor 'khrungs/ nyer drug pa chu 'brug lo la gdan sar byon te/ theg pa chen po gsang sngags kyi bstan pa'i srog bzung bdun cu bzhes pa me byi lor gshegs/ dgongs pa rdzogs thabs su dge 'dun mang du spyan drangs nas rje spyan snga gral dbur gdan drangs pa la phebs
bsnyen bkur gyis mchod cing / chos rnam par gtan la phab pa la me pho byi ba'i chos 'khor zhes zer/ de'i tshe chos rje sa skya pas rgyal po lugs kyi bstan rtsis la rtsis gzhi mdzad nas bstan pa'i rtsis mdzad pa 'das lo mang ba'i phyogs yin/ 'di la rtsis gzhi mdzad nas chos rgyal 'phags pa chu mig chos 'khor dus dang / bla ma dam pas yar klungs chos 'khor dus su'ang rtsis par snang / bzhi pa dpal chen [B:50]'od po lcags rta la 'khrungs/ nga bzhi pa chu phag la gshegs/
de la sras gnyis las che ba sa skya paNDi ta chu stag la 'khrungs| rje btsun bsod nams rtse mo'i gshegs lo yin/ gcung zangs tsha bsod nams rgyal mtshan shing 'brug la 'khrungs/ nga drug pa sa phag la gshegs/ de la sras chos rgyal 'phags pa/ 'gro mgon phyag na/ rin chen rgyal mtshan/ ye shes 'byung gnas dang bzhi/ phyag na'i sras ngharma pA la/
ye shes 'byung gnas kyi sras bdag nyid chen po bzang po dpal/ 'di la
sras bsod nams bzang po/ kun dga' blo gros/ mkhas btsun nam legs/ nam mkha' rgyal mtshan/ kun dga' legs pa'i 'byung gnas/