[A:48]
bod du rgya hor gyi lung byung tshul ni/ hor jing gir rgyal pos rgyal sar byon nas lo nyi shu lon pa lcags pho byi ba lor dmag dpon la byi dang dor rta gnyis kyis mgosmgo byas [B:48a]hor dmag khrag khrig mang po bod du btang ste/
grong khyer phal cher bcom/ 'bri gung sgom pa shag rin hor dmag gis bzung ba'ang 'di res yin/ rwa sgreng dang rgyal lha khang du dge 'dun mang po bkrongs pa yin zhes deb sngon las 'byung yang rwa sgreng la khungs gzhan gsal ba ma mthong bas brtag go/ /lcags byi 'di chos rje sa skya pa'i nga dgu pa yin/ de dag ni yan lag bzhi pa'i dpung chen pos bsdigs nas bod kyi rgyal khams cham la phab pa tsam yin la/ slad nas mnga' 'og tu bcug ste lung bsgyur ba ni sa skya pa dang yon mchod du 'brel ba nas byung /
de la sngon du dpal sa skya'i bla rabs rags rim gcig brjod na/
'khon dkon mchog rgyal pos chu mo glang gi lo la dpal sa skya'i sde [B:49]chen po btab/ gsang ne'u thog dang btab lo gcig
rngog legs pa'i shes rab kyi sku tshe'i mjug la yin
rwa sgreng btab nas lo bcu bdun song ba de yin/
de'i sras sa chen kun dga' snying po chu sprel la 'khrungs/ bcu gcig pa la yab gshegs pas ba ri lo tsA bas gdan sa thogs shig mdzad/ de rjes dgung lo nyii shu pa la gdan sar byon/ drug cu rtsa bdun pa sa stag lor gshegs/ sa chen la sras bzhi 'khrungs pa'i dang po kun dga' 'bar/ rgya gar du byon pa nyer gnyis lon dus ma gha nghar gshegs/