[A:53]byang rin gyi dus na se chen gyi thugs la btags nas shel dam gnang /
byang rin gyi rjes su dpon chen dkon gzhon/ de nas dbon chen gzhon dbang ste/ 'di'i ring la che gsal chen mo dang dbus gtsang gi khrims
kyi zhib cha phal che ba byas/ de nas dpon chen byang rdor/ de nas dpon chen ag len te/ 'dis gdan sa'i lcags ri phyi ma dang dpon po ri'i lcags ri btab/ dpon chen 'di gsum gyi bar la 'bri gung pa dang 'thabs/ khyad par ag len gyi ring la 'bri gung gling 'og tu grags pa'i bcom khyer chen po de btang / gling log de bu ston rin po che 'khrungs pa'i lcags pho stag gi lo la yin/ de ni phal cher 'di'i gong thog kha ba rin chen se ses 'bri gung gdan [B:54]sa mdzad pa'i lo bdun pa shing bya la bya yul gzims chung ma gtogs gling thams cad me la bsregs
mkhan po gtsang ston pa yang bkrongs
pa'i mthong chos su byed pa yin 'dug de nas lo bzhi pa shing pho rta la gong ma se chen gshegs 'phags pa gshegs pa'i lo bcu bzhi pa yin
de nas lo bcu pa me rta la bdag nyid chen po bzang po dpal gdan sar byon/ 'di pa gong du byon pa rgyal po ol bya thul gyis rgyal srid skyong ba'i dus yin tshod 'dug gdan sar lo bcu bdun bzhugs nas chu khyi la gshegs/ de nas lo gsum pa shing mo glang la mkhas btsun nam mkha' legs pa gdan sar byon/ shing glang 'di 'gro mgon 'phags pa gong nas snga res byon pa'i shing glang nas drug cu bskor gcig song ba de yin/ de nas lo bcu dgu pa chu lug la mkhas [B:54a]btsun pa gshegs/ bdag nyid chen po'i sras nam mkha' rgyal mtshan pa