[A:59]che
sogs nang don dang rgyal rabs deb ther la mkhas pa mang du byon/
khyad par smon lam rdo rje bas chos 'khor gling sha gzhon pas gdan sa mdzad
btab ste bshad grwa bzang po btsugs [B:60]shing / mkhyen rab kyang rgya che ba ste/ bu ston rin po che'i zhal nas/ deng sang gsung rab kyi gzigs rgya la tshal pa dbon po khong che zhes gsungs skad/ kun dga' rdo rje'i ring phag mo gru pa la khri 'og phal cher shor te bya bral la thegs pa yin 'dug phyis su snag dpon re tsam ma gtogs gdung rgyud kyi rim pa'ang chad zer/ rgya ma ba ni sgyer khu dbon lugs gnyis kyi 'phrin las rgyas pa'i lha sde'i khog tu nye gnas la 'phan yul tshun dbang ba'i khri dpon gyi las ka blangs par 'dug cing / rgya tshal gnyis kas sa skya pa dbang thang che ring khong gi shed khur nas 'bri gung pa dang 'thabs/ dbu ru stod pa rnams dgra rgya tshal bka' gsum zer ba yang yod do/ /phag mo gru pa'i lung rgyugs nas ni rgyal chen rtse'i khog [B:60a]tu khri 'og phal cher song nas/
yar snon nam res 'ga' mkhar rtse dang bsgril ba'i steng du sne gdong rtse nas khri dpon gyi las ka rim pas zhus par snang la/ phyis dpon rgyal chen rtse pa dang sku mched
legs ldan pa'i dus su ni phag mo gru pa'i sde srid zlos shing / mnga' zhabs kyi dge ldan pa rnams mthar 'ded pa dang / rje rin po che'i sku 'dra bshig pa sogs byed pa 'bring tsam du gyur pa las phyi nang du dus mi bde ba rgyun mar yod pa byung ngo / /'bri gung pa ni chos rje 'jig rten gsum mgon gyis sa mo phag gi lo la 'bri gung thel btab ste/ gdan sa star chags su byon pa'i lnga pa cung rin po che'i dus