[A:76]dgung lo bcu pa la rtsed thang gi gdan sa gsum par byon/ de nas grags byang ba'i rjes su rtse'i khri dpon gyi thugs khur lo lnga bzhes te/ me stag lor thel gyi spyan snga mdzad/ zhe bdun pa shing bya lor [B:78]kun spangs mdzad de/ lnga bcu pa sa byi lor sku gshegs/ bdag po shag rin pa chu yos lor tho gan gyi lung gis khri thog tu bskos zhes spyan snga chos 'byung du byung yang / ta'i si tu gshegs lo dang / rgya hor bstan pa brjes pa'i lo dang bstun na mi 'grig dgon gsar du bzhugs nas zin sna rin chen 'dzoms bdag mor bzhes pa la sras grags pa rgyal mtshan/ byang chub rdo rje/ bsod nams bzang po/ dpal ldan bzang po/ bsod nams rgyal mtshan/ sangs rgyas rgyal mtshan dang drug 'khrungs ba la dgon gsar ba bu drug zer/ grags pa rgyal mtshan shing stag lor 'khrungs/ go shri ba gshegs pa'i phyi lo dang / ta ji chen po gshegs pa'i lo bcu pa yin/ 'jam dbyangs pa'i sku'i skye bar yang byed/ dgung lo bdun pa la [B:78a]gdan sar mkhan po gzhon dbang pa dang slob dpon tshul
rgyal ba las rab tu byung / spyan snga grags byang ba las dbang khrid rnams gsan/ brgyad pa rtsed thang gdan sar phebs pa nas rnam 'grel dang brtag gnyis sogs gsungs/ bcu gnyis pa shing glang la sne gdong rtser phebs/ rin po che bsod grags pa thel gyi spyan snga mdzad pa'i snga lo yin/ blon chen dbang 'dzin sku zhang rdzong spyi grags rin pas mdzad/
bar skabs shig nas drung 'khor rnams kyis ma theg par gong ma la snyan phra phul te rdzong spyi ba bkrongs/ de 'phral yar klungs kyi dpon skya bcus