[A:90]mngags te/ rtser dbang gi 'ja' sa gnang / de nas chu bya la 'bri gung chos rje chos rgyal ba sku gshegs nas/ dbon rin po che yar klungs su byon te/ rtser rgyab gnyer zhus pa rtse nas mi sna gnang zhing khrims bdag ngo bo gtsang du kha bsgyur ba la/ phyogs su lhung ba'i gzu mdzad pas/ dpon sa dang rin spungs pa'i zhal ngo phyi ma rnams kyi'ang 'khon gzhir song / de nas shing phag la bsam sde bas sde gzar gyi sna blangs par brten/ sde srid kyi dpung yar stod du khyer ba yo khyams su gtong rtsis byung yang / 'phyongs rgyas nas 'jags kha mdzad pas 'tsho thub byung / de la gtsang nas 'phyongs rgyas pas nged rin spungs pa'i khrims bdag phrogs pa yin zhes snyad btags te/ dpung zhe grabs [B:93]byed pa dang / rtser na ma spongs chen po'i zhu bskor drag po byas/ de la sde srid dpon blon gyis/ phugs zhe grabs yod kyang 'phral du bden pa sgrub sgrub kyi zhal ta 'jam po mdzad/ gtso bor spyan snga rin po ches sde gzar mi legs pa'i bka' nan dang / gtsang rang nas dpon skya drag pa mang pos snyan sgron phul 'dug na'ang rin spungs pa dpon blon gyis ma gsan par/ chos rgyal pho brang gis gtsos pa'i yar klungs kyi rdzong rnams la srung cha bcug pa'i rkyen/ me pho byi ba dbus gtsang gi sde gzar chen po de langs pa/ sde srid mtshan jus rgyal te/ kha rag dang bod yul chol kha sa mtshams byas/ dus der spyan snga rin po che dpon slob bzad mdar phebs nas chu shul lhun po rtse chings brten du mdzad de/[B:93a] dbus gtsang lo gsum chings sdom grub/ gtsang pa'i srid phyogs 'bri gung khang thog