[A:93]yar rgyab pa rin chen bkra shis sku mched / bya nor bu bkra shis/ gong dkar ba'i sras po sku mched/ dga' ldan pa bsod nams rgyal po/ rgyal chen rtse pa khu dbon sogs la rdzong dpon dang / gzhan las ka ci rigs gnang / 'phral gyi mdzad pa tshur skal ma gtogs dgos med kyi sde gzar mi mdzad/ chos lugs la phyogs ris mi mdzad/ dge 'dun gyi sde gang gi'ang 'du sgo mi 'phrog gser gyi bka' 'gyur dang mchod rten gos sku chen mo bzhengs pa sogs [B:96]lugs gnyis ka'i mdzad pa bzang / de yang rje gnya' khri btsan po nas 'od bsrung sa kyi bar du byon pa'i rgyal po bzhi bcu rtsa gnyis kyi ring / bod kyi rgyal khams spyi la dbang bsgyur yang /
rje dpal 'khor btsan nas lugs rnam par zhig ste/ hor gyi bstan pa ma byung gi bar bod thams cad lta zhog dbus gtsang spyi la dbang ba'i rgyal po yang med/ hor dus su bod chol kha gsum chos rgyal 'phags pa la dbang yon du phul ba nas/ sa skya pas 'jig rten gyi bdag po mdzad kyang / gong du brjod pa ltar gdung rgyud nang gyes pa'i dbang gis yun lo bdun cu rtsa lnga las ma byung / phag mo gru pa'i sde srid ni ta'i si tu nas
deng sang gi bar la khri gnan pa'i gong ma dgu song zhing / khong gis sa glang la 'jig rten gyi bdag po mdzad pa nas/[B:96a] da lo'i sa khyi 'di yan la lo brgya dang dgu bcu song ba'i bar 'jig rten gyi bdag po mdzad pa ma chad pa ste/ sne gdong rtse'i pho brang la ya mtshan pa'i sa dpyad bzang po yod pa yin zhes grags/ sde dpon rnams las 'ol kha bkra shis rgyal mtshan
gdung rus myang
gyis spyir gser dngul gyis gsung rab mang po