[A:111a]'dod byas pas/ de ltar gyur te mkhas pa chen po ngag gi dbang phyug ces su grags pa kha sarpa Ni'i gtsug lag khang du byung / de dus 'khor zhabs pa dang mjal nas slob dpon la rgyud du shes zhus pas/ slob dpon gyis lan du gsungs pa'i rgyud kyi mtshan grangs tsam yang 'dzin par ma nus skad/ ra pa rnams/ de la slob ma dus zhabs chung ba dang / 'dul ba 'byung gnas blo gros dang / sengge rgyal mtshan dang / mtha' yas rnam rgyal lo/ /dang po bo dhi pa de la nA lendra pa zer/ des ratna A ka ra la bshad nas nA lendrar dar bar byas zer ba la gong ma rnams kyis mi 'thad par gsungs/ don dus zhabs chung ba de kha rgyal sras nA lendra pa la zer ba yin te/ dpal nA ro pa'o zhes 'bro pa rtsa mi nags rin sogs thams cad 'dod/ dus zhabs pa chen po de la slob ma mang du byung yang bshad pa'i srol 'dzin pa ni dpal nA lendra pa'o/ /de'ang snga ma lta bu'i yon tan dang ldan no zhes 'chad/ de'i slob ma manydzyu kIrti/ sa manta shrI/ ra lugs/ dus zhabs pa chung ba'i slob ma zla mgon nas 'bro lugs/ dus zhabs che chung nas rdo rje gdan pa/ de'i slob ma bo dhi bha dra/ kha cig 'di nA lendra par 'dod de phyis so/ /de nas tsa mi/ yang dus zhabs chung ba nas paNDYi ta shAkya sengge rgyal mtshan sogs nas nags rin no/ /spyan ras gzigs kyis byin gyis brlabs pa ni/ a nu pa ma rakShi ste dpe med 'tsho'am dpe med srung ba ste/ 'di skad du phyi nang gi rig pa la sgom pa goms pa'i thugs can/ dpal kha sarpa Na'i drung du lo bcu gnyis su bzhugs nas/ dmigs pa dang rtog pa med pa'i de kho na nyid kyi man ngag bsgoms pas rtogs pa'i khyad par ci'ang ma thob nas yid zhum pa na/ rdo rje rnal 'byor mas/ bu bi kra ma pu ring song zhig der khyod la rtogs pa 'byung bar 'gyur ro/ zhes lung bstan pa'i bka' spyi bor bzhag nas slob ma paNDYi ta chen po legs pa'i bu dpal 'dzin dang lhan cig bi kra ma pu rir byon te/ dus mchod cig gi tshe thugs dam gyi rim pa la bzhugs pa las/ nam phyed kyi dus su bcom ldan 'das a wa dhU tI pa'i cha byad can byon nas/ bu de kho na nyid ni 'di yin no zhes mngon sum du gdams pa stsal/ de thos ma thag tu ting nge 'dzin la snyoms par zhugs so/ /