[A:114a]gang bsams pa'i don thams cad 'byung ba yin pas tshad brtags pa'i phyir bsod snyoms la bum pa bsnams te 'byon dgongs pas ma blangs par lha'i zhal zas bzang po bum pa'i nang du byung nas grub par mkhyen no/ /nam zhig slob dpon rgya gar shar phyogs su byon pa na/ lam na byis pa tshan gcig phyugs skyong zhing rtse yi 'dug pa la/ slob dpon gyi thugs la 'di rnams kyi nang na theg pa chen po'i rigs can sngags kyi snod du rung ba yod dam snyam nas brtags pa'i phyir du nags dang grong khyer gyi bar du chu phran 'bab pa zhig yod pa de la rab mi mkhyen pa'i tshul mdzad/ phar lham phud de rba klong yod sa zhig tu brgal grabs mdzad pas/ de rnams kyi nang nas byis pa gcig 'ongs nas/ slob dpon der bzhugs zer nas/ slob dpon khur bar brtsams pa na des theg par yang mdzad/ byis pa de nyams sad pa'i phyir dkyil du bslebs pa na chu de che bar byin gyis brlabs nas/ khye'u chus nub tu 'cha' la/ khye'u de la 'gyod pa'i sems skad cig kyang ma 'gyus la/ 'di ma nongs pa zhig dgos bsam pa kho na'o/ /der slob dpon gyis/ mi gang ro'am rtswa'am shing ni mi 'dzin pa/ /chu dbus 'jig par 'gyur te ngogs su phyin mi 'gyur/ /zhes gsungs pas mgul nas bzung la ma shor bar mdzod cig zer bas/ slob dpon gyis las can du rig sprul pa'i chu'ang chung du btang ngo / /de nas slob dpon don spyod la byon/ khye'u de zla bo'i gseb tu 'dug go /de nas yang log byon pa na sngar gyi byis pa de shing ta la sdong po gcig gi khar bsdad/ bu mo gnyis g.yas g.yon du btsun mo'i tshul du byas/ byis pa bzhi tsam gyis nang blon/ bcu tsam gyis phyi blon/ nyi shu tsam dmangs kyi tshul du bsdad 'dug pa la/ sngar gyi byis pa de shing las babs nas phyag phul nas sku bsnyun pa mi mnga' 'am/ dgyes pa dang bde ba la reg par spyod dam zhes zhe sa phul bas/ slob dpon mnyes nas rgyal po la dga' 'am gsung / kha ོna re dga' ste skal ba dang mi ldan pas 'bangs su skyes zer/ nga la rgyal por 'gyur ba'i thabs yod gsungs pas/ de na bdag la stsal du gsol zer/ der slob dpon gyis bum pa la slar rab tu gnas pa zhag bdun mdzad de/ de 'dod pa'i rgyal po dang