[A:༦བ]གསུངས་ནི་དེ་དག་གི་ཡུལ་མ་ཡིན་པའི་ཕྱིར། །ཞེས་འབྱུང་ངོ་། །ཐེག་པ་ཆེན་པོ་གསང་སྔགས་ཀྱི་སྡུད་པ་པོ་ནི། རྒྱུད་རང་རང་གི་ཞུ་བ་པོས་བསྡུས་པ་ཡང་ཡོད་ལ། ཕལ་ཆེར་ཕྱག་ན་རྡོ་རྗེས་བསྡུས་པ་ཉིད་དོ། །དེ་ཐམས་ཅད་ཀྱང་དུས་དབྱེ་ན་འཁོར་ལོ་རིམ་པ་གསུམ་མམ་བཞི། རྗོད་བྱེད་ཀྱིས་དབྱེ་ན། གསུང་རབ་ཡན་ལག་བཅུ་གཉིས་སམ། སྡེ་སྣོད་གསུམ། བརྗོད་བྱ་བསླབ་པ་རིན་པོ་ཆེ་གསུམ་དུ་བསྟན་པའི་ཆོས་ཐམས་ཅད་འདུས་པར་གསུངས་ལ། གསང་སྔགས་ནི། ཤནྟི་པས་ཟབ་མོའི་དོན་བསྡུས་ཏེ་སྟོན་པའི་ཕྱིར་མདོ་སྡེའོ། །ཞེས་དང་། དཔུང་བཟང་ལས། གསང་སྔགས་མདོ་སྡེའི་ཚུལ་དུ་བཤད་ཀྱི་ཉོན། །ཅེས་མདོ་སྡེའི་སྡེ་སྣོད་དུ་གསུངས་ལ། ཨ་བྷྱས། སྡེ་སྣོད་གསུམ་ཀའི་དོན་ཆ་ལྡན་དུ་སྟོན་པས་གསུམ་ཀའི་ཆར་གཏོགས་པར་བཞེད་དོ། །དེ་ལྟ་བུའི་ལུང་སྡེ་སྣོད་གསུམ་འཆད་ཉན་ཀྱིས་གཏན་ལ་འབེབས་ཤིང་། བསླབ་པ་རིན་པོ་ཆེ་གསུམ་སྒྲུབ་པ་ཉམས་ལེན་གྱིས་རྒྱུད་སྨིན་པར་མཛད་པ་དེ་ལ་བསྟན་པ་འཛིན་པའི་གང་ཟག་ཞེས་བྱ་ཞིང་། དེ་ཇི་སྲིད་གནས་ཀྱི་བར་བསྟན་པ་གནས་པ་ཞེས་བྱའོ། །བསྟན་པའི་གཏད་ལུགས་ཀྱང་། ཐུབ་དབང་ཉེ་བ་འཁོར་དང་ཀུན་དགའ་བོ། །ཤ་ནའི་གོས་ཅན་ཉེར་སྦས་དྷི་དྷི་ཀ ནག་པོ་ལེགས་མཐོང་བློས་མི་འབེབས་ལ་སོགས། །ཞེས་སོགས་གསུངས་པ་ལྟར་བྱོན་ནོ། །འདི་ལུང་ཕྲན་ཚེགས་ལས་གསུངས་པ། ཉན་ཐོས་པའི་ལུགས་ཡིན་ཀྱང་དོན་ལ་མི་འགལ་ཏེ། བསྟན་པའི་རྩ་བ་སོ་སོ་ཐར་པ་ཡིན་པས་སོ། །གསུམ་པ་བསྟན་འཛིན་ཤིང་རྟའི་སྲོལ་འབྱེད་བྱོན་པའི་ཚུལ་ལ་གསུམ། ཟབ་མོ་ལྟ་