[A:༧༣ན]ཡུལ་དུ་དགོན་པ་འདེབས་དགོངས་ཀྱང་། ཡོན་བདག་རྣམས་ཐེ་ཚོམ་བསལ་བའི་ཕྱིར། བཤེས་གཉེན་མཐའ་བཞི་སྤྱན་དྲངས་ཏེ། དགོན་པ་ཐམས་ཅད་ནས་རྡོ་རེ་བླངས་པ་ལ་ས་སྤྱད་མཛད་པས། སེ་གཡའ་བའི་གཡུང་དྲུང་གི་ཕུལ་བ་བྱ་ཡུལ་ནས་བླངས་པའི་རྡོ་ལ་སའི་སྤྱད་བཟང་བར་ལུང་བསྟན་པས། གཞན་རྣམས་ཀྱང་མ་དགའ་བ་མེད་པར་མཛད་དེ། ལོ་དགོན་པ་བཏབ་ནས་ལོ་ངོ་ཉི་ཤུ་རྩ་གཉིས་པ་ཆུ་ཕོ་རྟའི་ལོ་ལ་གཙུག་ལག་ཁང་གི་རྨང་བཏིངས་ནས་ལོ་བཅུ་གསུམ་རྟ་ལོའི་ནང་ཚུན་ལ་དགོན་པ་རྫོགས་པར་གྲུབ། དེའི་ཚེ་སྤྱན་སྔ་བ་མནལ་ལམ་དུ་བྱོན་ནས། སྣམ་སྦྱར་གསེར་མདོག་ཅན་བསྐོན་པ་རྨིས་པས། བླ་མས་སྣང་བ་བྱུང་གསུངས་ནས། མཁན་པོ་བྱ་འདུལ་འཛིན། ལས་སློབ་མང་ར་སྒོམ་པ། གསང་སྟོན་རྒྱ་ཤེས་རབ་འབར་གྱིས་མཛད་དེ་བསྙེན་པར་རྫོགས། བྱ་ཡུལ་དུ་དགེ་འདུན་ཉིས་སྟོང་ལྔ་བརྒྱ་ཙམ་འདུས། དེ་དུས་བྱ་ཡུལ། ཀླུང་ཤོད། མལ་གྲོ་གསུམ་དུ་དུས་གཅིག་ལ་གྲལ་དབུ་མཛད་པ་དང་། མདོ་སྨད་དུ་ངང་ཚང་བའི་གཙུག་ལག་ཁང་གི་རབ་གནས་དང་། དྭགས་པོར་ཤ་བ་གླིང་པའི་མཆོད་རྟེན་གྱི་རབ་གནས་ཞུས་པས། དུས་ཚོད་ཚེས་གྲངས་འདི་ལ་མཆོད་པ་རྒྱ་ཆེན་པོ་བཤོམས། གསོལ་བ་ཐོབ། ངས་གཟིམས་ཆུང་འདིའི་སྟེང་ནས་རབ་གནས་བྱེད་པ་ཡིན་གསུངས་ཏེ། ཀུན་གྱིས་མཐོང་བར་གཙུག་ལག་ཁང་དང་། མཆོད་རྟེན་སྟེང་དུ་ཕྱག་ནས་བབས་པས། དེ་ནས་སྤྲུལ་སྐུར་གྲགས། མི་མ་ཡིན་མང་པོ་ལ་ཆོས་གསུངས་པ་དང་། བསྐྱེད་རྫོགས་ཀྱི་