[A:༡༥ན]མེད་ཀྱིས་བྱམས་པ་མཉེས་པར་བྱས་པ་ལས་བྱུང་བ། རྒྱ་ཆེན་སྤྱོད་པའི་བརྒྱུད་པའི་ཆོས་མ་ལུས་པར་མངའ་བ་ཡང་། ཀུ་ས་ལི་ཆེ་བ་ཡིན་ནོ། །ཞེས་གསུངས་སོ། །དེའི་སློབ་མ་ཀུ་ས་ལི་ཆུང་བ་ཡིན་ཏེ། བྱམས་པ་ཁོ་ན་ཁྱད་པར་དུ་སྒོམ་པས་བྱམས་པའི་རྣལ་འབྱོར་པ་ཞེས་པར་ཡང་གྲགས་ལ། བླ་མ་འདི་ལ་ཀུ་ས་ལི་ཆེ་བའི་ཡོན་ཏན་མ་ལུས་པ་མངའ་བས། གསེར་གླིང་པའི་ཡང་བླ་མ་ཡིན་ལ། བླ་མ་འདིས་བྱམས་སྙིང་རྗེ་བྱང་ཆུབ་ཀྱི་སེམས་དགྱེར་སྒོམ་རྡོ་རྗེའི་གླུའི་དོན་ཡུན་རིང་དུ་སྒོམ་ཞིང་ཞལ་འདོན་མཛད་པས། རེ་ཞིག་ན་ཆུ་བོ་གངྒའི་འགྲམ་དུ་བཅོམ་ལྡན་འདས་བྱམས་པ་ལྷའི་རྒྱལ་པོའི་ཆ་བྱད་དུ་བྱོན་ནས་ཆོས་གསུངས་སོ། །ཀུ་ས་ལི་ཆུང་བའི་ཡོན་ཏན་རྫོགས་པར་མངའ་བ་དཔལ་ལྡན་ཨ་ཏི་ཤའི་བླ་མའི་གཙོ་བོར་གྱུར་པ་འགྲན་ཟླ་དང་བྲལ་བའི་བླ་མ་གསེར་གླིང་པ་ཡིན་ལ། དེའི་ལོ་རྒྱུས་ནི། གསེར་གླིང་ཞེས་པ་གླིང་བཞི་གླིང་ཕྲན་བརྒྱད་གང་དུ་ཡང་མ་གཏོགས་པ། འཛམ་བུ་གླིང་དང་ཉེ་བ། རིན་པོ་ཆེ་སྣ་ཚོགས་ཡོད་པའི་གླིང་དེ་ལ་གསེར་གླིང་ཞེས་ཟེར། དེར་རེས་ནང་པའི་བསྟན་པ། རེས་ཕྱི་པའི་བསྟན་པ་འབྱུང་བ་ལས། དེ་དུས་ཕྱི་པའི་བསྟན་པ་ཡོད་པ་ལ་གླིང་དེའི་རྒྱལ་པོའི་སྲས། རྒྱལ་བུ་སེ་ན་ཞེས་པ་འཁྲུངས་མ་ཐག་དཀོན་མཆོག་ལ་སྐྱབས་འགྲོ་མཛད་པས། མུ་སྟེགས་བྱེད་རྣམས་ཀྱི་བློ་ལ་མ་རན་ཀྱང་། རྒྱལ་པོའི་སྲས་སུ་སོང་བས་ཅི་ཡང་བྱེད་མ་ནུས། རྒྱལ་བུ་ལོ་དྲུག་བདུན་ལོན་དུས་ནགས་གསེབ་ཏུ་བྱོན་པས་ཐུབ་པའི་གསེར་སྐུ་མཐོ་གང་ཙམ་ཞིག་རྙེད་པ། དེ་ལ་ཕྱག་མཆོད་འབའ་ཞིག་མཛད་པས་ཐུབ་པ་དངོས་སུ་བྱོན་ཏེ། གསེར་གླིང་པའི་