[A:༣༣བ]ཙམ་ཡོད་ཀྱང་། ཐམས་ཅད་རང་ས་རང་ས་ན་ངོ་མཚར་ཆེ་མོད། འོ་སྐོལ་བོད་ལ་མགོན་པོ་ཨ་ཏི་ཤ་མིན་པས་ཕན་པ་མེད་གསུངས། འོ་ན་ཨ་ཏི་ཤ་སྟོན་པར་ཞུ་དང་ཞུས་པས། ཁྱོད་རང་ནངས་པར་དགེ་འདུན་གྱི་ཀུན་དགའ་ར་བར་དགེ་འདུན་སྟོང་ཕྲག་མང་པོ་འོང་གི དེའི་ནང་ན་ལྷང་ངེ་། ལྷམ་མེ་བ། སྐུ་བལྟ་བས་ཆོག་མི་ཤེས་པ། གྲལ་གང་དུ་བཞུགས་ཀྱང་མཛེས་པ་ཞིག་ཡོད་ཀྱི། དེ་ཨ་ཏི་ཤ་ཡིན་པས། དེ་ལ་ཉིན་མཚན་དུ་གསོལ་བ་ཐོབ་གསུངས། དེ་ནས་རྒྱ་བརྩོན་སེང་དཔོན་སློབ་གཉིས་ཀྱིས་གནས་བརྟན་རཏྣ་ཨ་ཀ་རའི་དྲུང་དུ་ཕྱིན། ཕྱག་བྱས་གསེར་སྲང་ཕྱེད་ཕུལ་ཏེ་རྒྱས་བསླབས་པ་བཞིན་ནག་ཚོས་ཞུས་པས། གནས་བརྟན་གྱི་ཞལ་ནས། ཤིན་ཏུ་ལེགས། ཚེ་དང་ལྡན་པ་འདི་ལྟར་ཡིན། ངེད་འདིར་མི་ལ་ཙག་པ་མིན་ཏེ། འདི་ན་ཨ་ཏི་ཤ་མེད་ན་རྒྱ་གར་སངས་རྒྱས་ཀྱི་བསྟན་པའི་འབྱུང་གནས་ཡིན་པས། འདི་ཉམས་ན་སེམས་ཅན་སྤྱིའི་བདེ་སྐྱིད་ཉམས་འགྲོ་བ་ཡིན་མོད། དེའི་རྒྱུ་མཚན། རྒྱ་གར་གྱི་ཆོས་སྲོལ་དང་། གཙུག་ལག་ཁང་ཐམས་ཅད་ཀྱི་ལྡེ་མིག་ཨ་ཏི་ཤའི་ཕྱག་ན་ཡོད་པ་ཡིན། དེ་མིན་ན་ངེད་ཀྱང་བོད་ཀྱི་སེམས་ཅན་ལ་སེམས་བརྩེ་ཞིང་། ཁྱད་པར་དུ་བོད་ཀྱི་ཆོས་རྒྱལ་དེའི་མི་ནོར་མང་པོ་ཟད་པས་ངོ་གནོང་སྟེ། སངས་རྒྱས་ཀྱི་བསྟན་པ་ལ་བསམ་པ་ཡིན་ན་བརྩོན་འགྲུས་དྲག་པོས་སངས་རྒྱས་ཀྱི་བསྟན་པ་རབ་འབྱམས་ལ་སློབ་གཉེར་གྱིས་ངས་ཀྱང་ཕྱིས་སུ་ཅི་འགྲོ་བྱེད། ཁྱེད་བོད་རྒྱ་གར་བ་ལ་འདི་ལྟར་སེམས་པ་ངོ་མཚར་ཆེ། ཞེས་གསུངས། དེ་ནས་གནས་བརྟན་གྱིས་ཁྲིད་དེ་དགེ་འདུན་གྱི་གདུགས་ཚོད་གྲལ་དུ་ཕྱིན་ཨ་ཏི་ཤ་གྲལ་གྱི་དབུ་ལ་བཞུགས་