[A:༣༣ན]འདྲེན་དུ་ཡོང་སྐད་ཡེ་མ་ཟེར། སློབ་གཉེར་ལ་ཡོང་ཟེར་བ་སྨྲོས། འདི་ན་གནས་བརྟན་རཏྣ་ཨ་ཀ་ར་དབང་ཆེ་བས། དེས་ཚོར་དུ་ཡེ་མི་བཏུབ། ད་ལྟ་རང་ཁོང་ལ་གསེར་སྲང་ཕྱེད་ཕུལ་ལ། དེར་བོད་ནས་འོང་པཎྜི་ཏ་ནི་སྤྱན་མ་དྲོངས་ད་ཁྱེད་ཀྱིས་པཎྜི་ཏ་དང་ཁྱད་མེད་པའི་སློབ་གཉེར་གཅིག་ཐུགས་ལ་འདོགས་པ་ཞུ་ཞེས་ཞུས། དེ་ནས་ཀྱང་རིང་རིང་དང་བློ་མ་ཕེབས་པར་མ་བྱེད་པར། སློབ་གཉེར་གྱིས་ལ་སོས་གདོལ། དེ་ནས་འོ་ཅག་ཐབས་མཁས་པས་ཇོ་བོ་ལ་ཞུ་བ་བྱེད་པ་ཡིན་གསུངས། དེ་ནས་ནག་ཚོ་ལོ་ཙཱ་བ་ཅི་གསུངས་བལྟ་བའི་ཆེད་དུ། མགོན་པོ་ཨ་ཏི་ཤ་ཅིས་ཀྱང་གདན་མ་འདྲོངས་ན། དེའི་འོག་ནས་གང་ཆེ་བའི་པཎ་ཆེན་གཅིག་གདན་དྲངས་ན་ཞུས་པས། ལོ་ཙཱ་བའི་ཞལ་ནས། དེ་འདྲ་སོ་སྒོར་མ་འདོན། དེ་ཡིན་ན་ན་ནིང་ནས་པཎ་ཆེན་ཞིག་ལ་ཅིག་ཆེ་བ་ཉི་ཤུ་ཙམ་གདན་དྲངས་ནའང་འདྲོངས་ཏེ། འོ་སྐོལ་བོད་ཀྱི་སེམས་ཅན་གྱི་སྤྱོད་གཤིས་རྒྱུས་མེད་དམ་ཨ་ཏི་ཤ་མ་གཏོགས་སུས་ཀྱང་བོད་ཀྱི་སེམས་ཅན་མི་ཐུལ་བས། ད་དུང་ཨ་ཏི་ཤ་རང་གདན་ཅི་འདྲོངས་བྱེད་དགོས་གསུངས། གཞན་པཎྜི་ཏ་ཅི་འདྲ་ཡོད་ཞུས་པས། འདི་ལྟར་ཤནྟི་པ། ནཱ་རོ་པ། ཌོམྦྷི་པ། མར་མེ་མཛད་བཟང་པོ། ཨ་ཝ་དྷུ་ཏི་པ། བྱང་ཆུབ་བཟང་པོ། རིན་ཆེན་བཟང་པོ། རིན་ཆེན་རྡོ་རྗེ། ལྷའི་བློ་གྲོས། ངག་དབང་གྲགས་པ། ནག་པོ་པ། ཛེ་ཏ་རི་དགྲ་ལས་རྣམ་པར་རྒྱལ་བ། རོལ་པའི་རྡོ་རྗེ། ས་འགེབས་པའི་ཞབས། ཡེ་ཤེས་གསང་བ། ཆོས་ཀྱི་བཤེས་གཉེན། ཚུལ་ཁྲིམས་དབང་པོ་ལ་སོགས་པ་པཎྜི་ཏ་བསམ་གྱིས་མི་ཁྱབ་པ་ལྔ་བཅུ་རྩ་གཉིས་