[A:༤༠ན]ཐམས་ཅད་བཀྲ་ཤིས་པར་ཡོད་ཅེས་ཞུས། དེ་ནས་ཇོ་བོ་ཆེན་པོ་དཔོན་སློབ་རིམ་གྱིས་མཚོ་མ་ཕམ་གྱི་འགྲམ་དུ་ཕྱགས་ཕེབས། དེར་ཆུ་སྦྱིན་མཛད་པ་ལ། གུང་ཐང་པས་གཟིགས་པས། མཚོའི་དཀྱིལ་ན་ཁརྶ་པ་ཎི་བཞེངས་པའི་ཕྱག་གི་མཐིལ་ནས་ཧྲིཿདཀར་པོ་ཅིག་ལས་བདུད་རྩིའི་རྒྱུན་བབས་པས་མཚོ་ལུད་པ་ཙམ་དུ་གྱུར་པ། ཡི་དྭགས་དཔག་ཏུ་མེད་པས་འཐུང་སྟེ་ཚིམ་པར་མཐོང་། དེ་ནས་ཨ་ཏི་ཤ་མཚོ་མ་ཕམ་འགྲམ་དུ་ཕེབས་ཟེར་བ་མངའ་རིས་སྐོར་གསུམ་གྱིས་ཐོས། དེའི་ཚེ་མངའ་རིས་ན་ལོ་ཆེན་རིན་ཆེན་བཟང་པོ་དང་། བལ་པོར་ཧ་སུ་ཞེས་མཉམ་པར་གྲགས་པས། ཨ་ཏི་ཤ་བསྟན་པའི་མངའ་བདག་བལ་པོའི་རྒྱལ་པོ་ལྷ་པས་ཞབས་སྤྱི་བོར་བླངས་པ། བལ་པོ་ཧ་སུས་མ་བཟོད་པར། མངའ་རིས་ན་མར་རྣལ་འབྱོར་འཁྱམས་པོ་གཏང་ནས། ཨ་ཏི་ཤའི་ཆེད་དུ་མི་ནོར་དེ་ཙམ་བཏང་པ་ལས། བལ་པོ་ཧ་སུ་བོས་ན། ད་ཙམ་མི་ནོར་ཆོས་གསུམ་འཛོམ་པ་གཅིག་ཡོང་པར་ཡོད་དེ། ཅེས་བསྒྲགས་ཀྱང་གནོད་པར་མ་ནུས། དེ་ནས་བློན་པོ་ལྷའི་བློ་གྲོས་མངའ་རིས་སུ་ལྷ་བཙུན་པའི་དྲུང་དུ་སླེབས་ནས་ཞུ་བ་མཛད་པ། ཐམས་ཅད་མཁྱེན་པས་བལ་པོར་ཕེབས། བལ་པོའི་རྒྱལ་པོ་འཁོར་དང་བཅས་པས་བསྙེན་བཀུར་ཞིང་། རྒྱལ་པོ་ཡབ་སྲས་རྟ་བ་བརྒྱའི་ཚོགས་དང་། ཨ་ཏི་ཤའི་འཁོར་པཎྜི་ཏ་ཆེན་པོ་གསུམ། གུང་ཐང་པ་ལ་སོགས་པ་སྡེ་སྣོད་འཛིན་པ་སུམ་ཅུ། རྒྱལ་པོ་སའི་ས་གྷ་ཞེས་པ་རྒྱ་གར་ནུབ་ཕྱོགས་ཐམས་ཅད་ཀྱི་བདག་པོ། རྒྱལ་སྲིད་སྤངས་ནས་ཨ་ཏི་ཤའི་ཐུགས་དམ་བསྐུལ་བའི་རྐྱེན་མཛད་དུ་བྱོན་པ། མདོར་ན་བསུ་སྐྱེལ་རྟ་པ་བཞི་བརྒྱ་སུམ་ཅུ་