[A:40a]thams cad bkra shis par yod ces zhus/ de nas jo bo chen po dpon slob rim gyis mtsho ma pham gyi 'gram du phyags phebs/ der chu sbyin mdzad pa la/ gung thang pas gzigs pas/ mtsho'i dkyil na kharsa pa Ni bzhengs pa'i phyag gi mthil nas hriHdkar po cig las bdud rtsi'i rgyun babs pas mtsho lud pa tsam du gyur pa/ yi dwags dpag tu med pas 'thung ste tshim par mthong / de nas a ti sha mtsho ma pham 'gram du phebs zer ba mnga' ris skor gsum gyis thos/ de'i tshe mnga' ris na lo chen rin chen bzang po dang / bal por ha su zhes mnyam par grags pas/ a ti sha bstan pa'i mnga' bdag bal po'i rgyal po lha pas zhabs spyi bor blangs pa/ bal po ha sus ma bzod par/ mnga' ris na mar rnal 'byor 'khyams po gtang nas/ a ti sha'i ched du mi nor de tsam btang pa las/ bal po ha su bos na/ da tsam mi nor chos gsum 'dzom pa gcig yong par yod de/ ces bsgrags kyang gnod par ma nus/ de nas blon po lha'i blo gros mnga' ris su lha btsun pa'i drung du slebs nas zhu ba mdzad pa/ thams cad mkhyen pas bal por phebs/ bal po'i rgyal po 'khor dang bcas pas bsnyen bkur zhing / rgyal po yab sras rta ba brgya'i tshogs dang / a ti sha'i 'khor paNDi ta chen po gsum/ gung thang pa la sogs pa sde snod 'dzin pa sum cu/ rgyal po sa'i sa gha zhes pa rgya gar nub phyogs thams cad kyi bdag po/ rgyal srid spangs nas a ti sha'i thugs dam bskul ba'i rkyen mdzad du byon pa/ mdor na bsu skyel rta pa bzhi brgya sum cu