[A:169]thob pa'i rim pa dang / /bla ma brgyud pa'i phreng mdzes bkod par bya/ /de ltar na mchog gi go 'phangs/ sangs rgyas kyi sar snyegs pa'i blo gros dang / bskal ba can rnams kyi 'jug ngogs/ bstan pa rin po che'i snying po/ zab mo rdo rje theg pa'i bka' dri ma med pa/ chos kyi rje sems dpa' chen po shAkya'i mtshan can las nod pa rnams kyi rim pa ni/ re zhig bu ston rin po ches bsgrigs pa'i go rim gzhir bzhag pa la/ 'dir gsang sngags kyi rgyud sde/ bya ba dang / spyod pa dang / rnal 'byor dang / rnal 'byor chen po bla na med pa dang bzhi'o/ /bzhi pa la gnyis su med pa'i rgyud/ shes rab rnal 'byor ma'i rgyud/ thabs rnal 'byor pha'i rgyud dang gsum gyi dang po ni/ ka pa la/ dpal dus kyi 'khor lo'i rgyud stong phrag bcu gnyis pa las phyung ba/ rtsa ba'i rgyud kyi dum bu mdor bstan pa zhes bya ba/ kha che'i paNDi ta so ma nA thA dang / 'bro shes rab grags kyis bsgyur ba las/ sgra tshad pa rin rgyal gyis 'grel pa dang bstun nas dag par bcos pa dang / dus kyi 'khor lo bsdus pa'i rgyud le'ur lnga pa/ paNDi ta so ma nA thA dang / lo tsA ba 'bro shes rab grags kyis bsgyur ba las/ dus phyis shongs lo tsA ba rdo rje rgyal mtshan gyis dag par bcos pa dang / dus kyi 'khor lo'i rgyud kyi snying po phyi ma gnyan lo tsA ba dar ma grags kyi bsgyur ba/ bsdus pa'i rgyud kyi brgol ba dum bu'i rgyud kyi snying po zhes bya ba/
'dir dkar chag tu ma byung
/ lo tsA ba gyi jo zla ba'i 'od zer gyis bsgyur ba/ dus 'khor bsdus rgyud las dA ri kA pas phyung ba dbang gi rab tu byed pa lo tsA ba rwa chos rab kyis bsgyur ba rnams kyi brgyud pa ni/
'di dkar chag du ma byung
/ byang chub sems dpa'i sprul pa gcig la/ dge slong bsod snyoms pa chen pos gsan/ de la lho phyogs kyi bram ze dA ri kA pa/ tsi lu paNDi ta/ dus