[A:269]snyed glegs bam lung la mnga' mdzad pas/ /bdag cag thos mang mdzad pa khyod phyag 'tshal/ /gang bka' lung dri ma med pa mang du gsan pa'i chos kyis phyug pas/ bstan pa'i srog shing chen por gyur pa chos kyi rje shAkya rgyal mtshan gyis zhabs las/ bod du 'gyur ba'i bstan bcos mtha' dag gi nang nas/ lung nod pa'i rim pa rnams bri bar bya ba ni/ rgyud sde thams cad kyi gong ma/ gnyis su med pa'i rgyud kyi gtso bo yin pa la sogs pa tshul gsum dang ldan pa'i gtan tshigs du ma'i sgo nas 'thad pa dang bcas par grub pa'i phyir/ dpal kyai rdo rje'i skor rnams thog mar 'god par rigs mod/ 'on kyang re shig snga rabs pa 'ga' yis khrigs su sdebs pa'i ka tho'i lugs bzhin gsan pa ni// (ka)pa la/ dpal dus kyi 'khor lo'i bsdus pa'i rgyud kyi rgya cher 'grel pa stong phrag bcu gnyis pa dri ma med pa'i 'od ces bya ba/ byang chub sems dpa' spyan ras gzigs dbang phyug gis mdzad pa las/ le'u dang po 'jig rten khams le'u mdor bsdus bcu'i bdag nyid/ le'u gnyis pa nang gi le'u mdor bsdus bdun gyi bdag nyid gnyis so// (kha)pa la/ le'u gsum pa dbang gi le'u mdor bsdus drug gi bdag nyid/ le'u bzhi bcu pa sgrub thabs kyi le'u mdor bsdus lnga'i bdag nyid dang / le'u lnga pa ye shes kyi le'u mdor bsdus bzhi'i bdag nyid rnams pad ma dkar pos mdzad pa/ kha che paNDi ta chen po so ma nA tha dang / 'bro lo tsA ba shes rab grags kyis bsgyur ba las/ dus phyis shongs lo tsA ba rdo rje rgyal mtshan gyis bcos shing gtan la phab pa/ legs par thob pa'i brgyud pa ni/ dang po'i sangs rgyas/ dus kyi 'khor lo/