[A:i-2]rgyal mtshan (1424-98) bar brgyud nas mus srad pas rdzong lugs snga rabs kyi skor gtsang phyogs la khyab spel gnang / phyi rabs ni/ bla ma dam pa sku tshe smad skabs kyi slob ma theg chen chos rgyal kun dga' bkra shis (1349-1425) nas brgyud pa yin la theg chen lugs yang zer/ khong gi slob ma gtso bo rdzong pa kun dga' rgyal mtshan (1382-1436) dang brag thog pa bsod nams bzang po gnyis yin/ rdzong pas bstan pa la stod byang du khyab spel gnang / brag thog pas dbus kyi gong dkar rdzong dang nye bar gnas chu bo ri la gdan sa chags btab/ skabs de dus gong dkar gyi rdzong dpon mtshan rgyal ba shes rab ni thon gyi mi rabs nas brgyud pa red/ rdzong dpon rgyal ba shes rab kyi sras rdo rje gdan pa yin la/ rdo rje gdan pa khong ni dgung lo bco lnga lon rjes yab kyi sku tshab tu rdzong dpon gnang rung / srid las chos la 'dun pa che bar yod stabs dgung lo nyer bdun la bsnyen par rdzogs te mtshan kun dga' rnam rgyal zhes gsol/ rigs brgyud thon yin stabs thon btsun du yang gsol/ lo drug gi rjes la gong dkar chos sde chags btab/ brag thog pa ni khong gi rtsa bla yin par theg chen chos rgyal nas brgyud pa'i rdzong lugs phyi rabs pa'i chos rnams gsan/ gzhan yang bu ston rin po che'i rgyud kyi man ngag brgyud pa shar pa ye shes rgya mtsho (1404-73) dang / khong rang dang rus brgyud gcig pa paN chen byams pa gling pa bsod nams rnam rgyal (1401-75) las dus 'khor sogs gsan pas de gnyis khyad par gyi bla mar gyur/ khong gi sku tshe'i nang spyir sa skya dang yang dgos ris med kyi rdo rje theg par mkhas pas phul du gyur//
da lam gsan yig 'dir gzhig na khong ni thos rgya chen po zhig yin par mngon thub la/ da