[A:i-3]dung khong rang gi rnam thar dang gzhig na gsan yig 'di cha lag tshang ba ma yin pa mngon gsal red/ gang lags zhu na rnam thar nang du khong rang nas brtsam pa'i gsan yig nang bla ma rer mchod brjod snyan dngags tshig bcad re bkod yod tshul gsal kyang gsan yig 'dir de rnams mi gsal/ yang dgos paN chen nags kyi rin chen/(1384-1468) kun mkhyen sangs rgyas 'phel (1411-85) dang / shar pa ye shes rgya mtsho'i rtsa bla yin zer ba'i rin po che grags pa rgyal mtshan gsum las gsan pa mngon rung gsan yig 'dir ma tshang ngo //
gsan yig de dang lhan du bkod rgyur/ sa skya gong ma la phul ba'i 'phrin yig rtsod bzlog dang / lam 'bras lag len mkho ba'i dri lan gnyis/ zhal gdams khag gnyis bcas bkod yod/ spyir btang deb 'dir ma yig gzhir gzhag las bzo bcos byas med la skabs re yig nor phran bu 'dug pa de rnams bzo bcos byas yod pas der rtags rgyab yod/ gzhan yang rnam thar rtsom pa po rgya ston byang chub dbang rgyal gyis ngor chen dkon mchog lhun grub la lam 'bras kyi skor rtsod lan gcig kha skong gi tshul du bkod yod/ 'di ni bla ma rdo rje gdan pa sku gshegs nas lo bzhi bcu zhe gsum song rjes brtsams pa'o/ /don gnyer pa rnams la phan rer dmigs nas rnam par thar pa ngo mtshar rin po che'i gter mdzod nang 'khod pa'i gsung rtsom tho yig yang bkod yod/ /rgyal yongs sa chen zhes pa las spyi lo 2005 zla ba 7 tshes 21 mchod rten rin po che gtsos thugs rten mang dag mkha' dbyings su dad ldan tshogs la zhal mjal ston pa'i dus khyad nyin dad 'dun rtse gcig gis par rtsa zhus pa'i dge bas 'brel tshad rten bzang thob pa'i rgyu ru bsngo'o// //