[A:353]grags chen/ kun mkhyen gangs pa/ ma ti paN chen/ thams cad mkhyen pa bsod nams bzang po/ chos rje pa/ des bdag la'o/ /yang na dbus pa sangs 'bum/ 'gro mgon 'phags pa/ khang ston 'od zer rgyal mtshan/ cha ru ba seng ge dpal/ zhe dgon pa dbang rgyal/ bla ma mgon po 'bum/ thams cad mkhyen pa bsod nams bzang po/ chos rje pa/ des bdag la'o// //
@/ /drung nas rin po che kun bzangs brtsi pa'i sku drung du chos thob yig
na mo gu ra wa/ legs byas yongs rdzogs sku yi dkyil 'khor mkhyen brtse bye ba'i 'od zer tshogs ldan skal ldan pad ma'i tshal rgyas byed/ /shes bya'i mkha' la thogs med bgrod cing mi shes mun par lhan cig mi gnas rmongs pa'i mtshan mo mthar mdzad ma/ /rgol ba'i mig gis lta bar mi bzod mi mthun phyogs kyi skar ma'i 'od kyang 'di na snang bar yong ma 'gyur/ /thub bstan nyin mo'i mgon po gang khyod bdag blo'i mkha' la rtag tu gnas mdzod dpal ldan bla ma mchog gi rje/ /de lta bu'i rje btsun dam pa 'di nyid spyir mtha' yas pa'i yon tan brjod kyis mi lang ba dang ldan pa las/ lhag par yang bka' lung man ngag gi rgya mtsho chen por gyur pa'i phyir/ bdag cag la chos kyi bskal ba bzang por mdzad pas na/ bka' drin dran zhing thob pa'i rnam grangs mi brjed par bya ba'i slad du yi ge bkod par bgyi ba las/ dang por/ mchog gi dang po'i sangs rgyas dus kyi 'khor lo'i bsdus pa'i rgyud kyi rgyal po'i 'grel chen dri ma med pa'i 'od ces bya ba'i rgya cher bshad pa nges pa'i don gyi