[A:397]par thob pa'o/ /dam tshig gsal bkra'i lung yang thob ste/ bla ma ka thog pa la gsan par snang ngo // ! //dang lung khra mo brag gi gter kha las/ gter ston sprul sku tshul rdor/ gsang mtshan pad ma las 'brel stsal/ dpa' bo sgang du byon pas dpa' bo sgang par yang grags pa des gdan drangs pa'i yid dam dregs pa kun 'dul gyi chos skor thob pa la/ phyag na rdo rje dregs pa kun 'dul gyi dbang chog bzhin dbang rdzogs pa dang / so so'i las bsgrub pa'i dbang bskur ro zhes pa'i skabs su/ phyi sgrub/ nang sgrub/ sku/ gsung / thugs/ yon tan/ phrin las so so'i sgrub thabs kyi skabs nas bshad pa'i lha sgom pa dang / sngags kyi bzlas lung / de nas dkyil 'khor gyi dbus gru gsum 'bar ba'i gtso bo'i mdun du gza' mchog chen po/ dzambha la dmar po/ ba ru Na rnams rim pas bskyed/ dpal gsang ba'i bdag po'i bka' las ma 'da' bar/ rdo rje slob ma'i mthun rkyen bsgrub pa 'gal rkyen sel/ ji ltar bsgom pa'i phrin las sgrubs shig ces gtor ma lag tu gtad pa'i bka' gtad mdzad pa phyag len la gnang ba dang bcas pa thob pa dang / rgyud klu 'dul nag po/ phyi sgrub rtsa ba'i sgrub thabs/ de'i las tshogs khyad par ba gsum la/ ser ba dbab pa/ byad kha zlog pa/ mdze nad bsrung ba/ thun mong gis las mtha' la/ las bzhi'i sbyin bsreg sa bdag klu gnyan 'dul ba/ klu gnyan gsad pa/ drag po'i thun bdun/ las kyi zer bdun/ zlog pa/ gnod byed dgug pa/ thog ser dbab pa/ thog ser zlog pa/ klu'i gtad khram/ rdo rje'i las mtha'o/ /nang bsgrub rtsa ba/ de'i las mtha' la/ bum pa'i las mtha'/ nad pa bso ba/ gtor sgrub/ spu gri'i reg gcod/ gza' rgod wa thod lags/ dom lag ma/ nye 'byed si shing