[A:267]ཤྲེ་ཡ་སེསྟུ།
འཇམ་དེས་ཞི་དུལ་མགོན་མེད་ཡིད་བསོའི་གཉེན༎
སྒྲུབ་པའི་དཔའ་བོ་ཡོངས་ལའང་དཀོན་པར་སྣང༎
དཔལ་ལྡན་འགྲོ་ཀུན་དགའ་བའི་སྨིན་གྲོལ་མཆོག༎
བློ་གསལ་རྒྱ་མཚོའི་སྡེ་ཡིས་ཡུན་དུ་སྦྱངས༎
ཡོང་དལ་དག་པའི་རང་སྣང་རིས་མེད་པ༎
ཁ་ཙམ་མ་ལགས་སྙིང་ནས་སེམས་པར་བགྱིས༎
ཕྱོགས་བྲལ་ཉེ་རིང་སྤངས་པའི་ཕན་བདེའི་བློ༎
གཞན་ངོར་མ་ཟད་ཡིན་ལ་ལན་བརྒྱར་བཞག༎
འདི་ན་ཕ་རོལ་ཕུན་ཚོགས་ལ་སྡང་བས༎
ཡིད་ཁྲོའི་མེ་ཆེན་འབར་བའི་ཀུན་རྟོག་ཅན༎
དག་སྣང་བུད་ཤིང་བསྲེག་ལ་བརྩོན་པ་དག༎
བདག་ལ་བརྟེན་ནས་དམྱལ་བར་འགྱུར་ཏ་རེ༎
ཀྱེ་ཧོ་ཇི་ལྟར་བགྱིས་ན་བཟློག་པར་ནུས༎
རི་གཟར་རྦབ་དང་ཅོང་རོང་ཆུ་རྒྱུན་ལྟར༎
གྱེན་དུ་འདྲེན་པའི་ཐབས་སྟོབས་འབད་པས་ཅི༎
ངང་གིས་ངན་འགྲོའི་འབབ་སྟེགས་གཞོགས་འཆའི་གནས༎
མངོན་ཤེས་མིག་ཉམས་རྨུ་ཐོམ་ལོང་བའི་ཚོགས༎
གཅིག་ལ་གཅིག་བསྟེན་གར་འགྲོའི་ལམ་མ་དམིགས༎
འོལ་ཚོད་གོམ་སྟགས་བརྡེག་འཆོས་ལག་སྦྲེལ་ནས༎
རབ་